Kujdesi spitalor për fëmijë - ICHRC

8. HIV/AIDS
InFekSIonet FungAle
222
Fillo trajtimin me steroide, vetëm nëse ka rezultate radiografike të krahërorit
për pneumoni limfoide intersticiale dhe ndonjë nga shenjat vijuese:
— frymëmarrje të shpejtë apo të vështirë
— cianozë
— puls oksimetria e saturimit të oksigjenit më pak se 90%.
ä Jepi prednisone oral, 1–2 mg/kg përditë për 2 javë. Pastaj zvogëlojë dozën
gjatë 2–4 javëve vijuese, varësisht nga përgjigja në trajtim.
Fillo trajtimin vetëm nëse është e mundur të kryhet kursi i plotë (i cili mund të
zgjasë disa muaj varësisht nga qetësimi i shenjave të hipoksisë), duke qenë se
trajtimi i pjesërishëm nuk është efektiv dhe mund të jetë i dëmshëm. Kujdes
nga riaktivizimi i TBC-së.
8.4.4 Infeksionet me këpurdha
kandidiaza orale dhe ezofageale
ä Trajtoje mugthin oral me pezulli nystatine (100 000 njësi/ml). Jepi 1–2 ml
nëpër gojë, 4 herë në ditë për 7 ditë. Nëse ky nuk është në dispozicion, apliko
gencian violet, tretësirë 1%. Nëse këto janë joefektive, jepi gel 2% miconazole,
5 ml dy herë në ditë, nëse ke.
Dysho në kandidiazë ezofageale, nëse ka vështirësi apo dhimbje gjatë vjelljes
apo gëlltitjes, hezitim për të marrë ushqimin, salivacion të tepruar, apo qarje
gjatë të ushqyerit. Gjendja mund të paraqitet me apo pa dëshmi të mugthit oral.
Nëse mugthi oral nuk është gjetur, jepi një trajtim provues me fluconazole (3–6
mg/kg një herë në ditë). Përjashto shkaktarët tjerë të gëlltitjes së dhimbshme (siç
është cytomegalovirusi, herpes simpleksi, limfoma dhe rrallë sarkoma Kaposhi),
nëse është e domosdoshme përmes referimit në spital më të madh, ku testimi
adekuat është i mundur.
ä Jepi fluconazole oral (3–6 mg/kg një herë në ditë) për 7 ditë, me përjashtim nëse
fëmija ka sëmundje aktive të mëlçisë. Jepi amphotericin B (0.5 mg/kg/doza një
herë në ditë) përmes infuzionit IV për 10–14 ditë, këtyre si edhe në rastet kur
mungon përgjigja në terapi orale, ka paaftësi për të toleruar barnat orale, apo
ka rrezik prej kandidiazës së diseminuar (p.sh. në fëmijën me leukopeni).
meningjiti kriptokokal
Dysho në kriptokokus si shkaktarë, në çdo fëmijë të infektuar me HIV me shenja të
meningjitit; prezantimi shpesh është subakut me kokëdhembje kronike, apo vetëm
me ndryshime të statusit mental. Ngjyrosja me ngjyrë indiane e LCS vërteton
diagnozën. Trajtoje me amphotericin 0.5–1.5 mg/kg/ditë për 14 ditë, pastaj me
fluconazole për 8 javë. Fillo profilaksën me fluconazole pas trajtimit.