Kujdesi spitalor për fëmijë - ICHRC

3. Foshnjat
Kujdesi rutinor për të gjitha foshnjat e porsalindura pas lindjes
3.2.1 Ndërprerja e reanimimit
nëse foshnja edhe pas 10 minutash reanimim:
• Nuk merë frymë dhe mungojnë të rrahurat e zemrës: ndërpreji përpjekjet.
• Sqaroja nënës se foshnja ka vdekur dhe jepja atë që ta mbajë nëse dëshiron.
3.3 Kujdesi rutinor për të gjitha foshnjat e porsalindura pas
lindjes (dhe për të porsalindurit e lindur jashtë dhe të
sjellur në spital)
ä Mbaje terur në dhomë të ngrohtë larg prej rrymimit të ajrit, të mbuluar mirë
ä Mbaje fëmijën me nënën, në të njëjtën dhomë
ä Fillo të ushqyerit në gji brenda orës së parë
ä Le të ushqehet foshnja në gji, sipas kërkesës, nëse është në gjendje të thithë
ä Jepi vitaminë K (fitomenadione), sipas udhërrëfyesve kombëtarë
1 ampulë (1 mg/0.5ml apo 1 mg/ml) IM një herë
(Të MoS përdoret ampulë 10 mg/ml)
ä Mbaje kordonin umbilikal të pastër dhe të thatë
ä apliko yndyrë antiseptike apo pika/yndyrë antibiotikësh për sy (p.sh. yndyrë
tetracikline për sy) në të dy sytë një herë, sipas udhërrëfyesve kombëtarë
ä Jepi vaksinën BCG dhe për hepatit B;
3.4 Parandalimi i infeksioneve të të porsalindurit
Shumë infeksione të hershme të të porsalindurit mund të parandalohen
përmes:
• Higjienës themelore të mirë dhe pastërtis gjatë lindjes së foshnjës
• Vëmendjes së veçantë për kujdesin ndaj kërthizës
• Kujdesit për sy
Shumë infeksione të vona të të porsalindurit mund të fitohen në spitale. Këto
mund të parandalohen përmes:
• Të ushqyerit ekskluziv në gji
• Procedurave strikte për larjen e duarve për tërë personelin dhe familjarët,
para dhe pas prekjes së fëmijës
• Mospërdorimit të ujit për lagështimin e ajrit në inkubator (ku Pseudomonasi do
të kolonizojë lehtë) apo përmes shmangies së inkubatorëve (me shfrytëzimin
e përkujdesjes së nënës në vend të tij).
• Të gjitha procedurat të kryhen në kushte sterile
46