Kujdesi spitalor për fëmijë - ICHRC

EFV është IJNKT i zgjedhur në fëmijët që janë në rifampicin, nëse trajtimi duhet
të fillohet para përfundimit të terapisë antituberkulare. Për dozat dhe regjimet e
barnave shih Shtojcën 2, faqe 352.
llogaritja e dozave të barnave
Dozat e barnave janë dhënë në faqet 352–356, për kg për disa barna dhe për m 2
të sipërfaqes së trupit të fëmijës për të tjerat. Tabela që paraqet peshat ekuivalente
për sipërfaqe të ndryshme të trupit është dhënë gjithashtu ne Shtojca 2 (faqe
329) për të ndihmuar llogaritjen e dozave. Në përgjithësi, fëmijët metabolizojnë
barnat IP dhe IJNKT më shpejt sesa të rriturit dhe kërkojnë doza ekuivalente më
të larta, sesa të rriturit për të arritur nivele të përshtatshme të barnave. Dozat e
barnave duhet rritur me rritjen e fëmijës; përndryshe ekziston rreziku i subdozimit
dhe zhvillimit të rezistencës.
përgatesat
Përgatesat e lëngshme ndodh të mos jetë e lehtë të sigurohen, janë më të
shtrenjta dhe mund të kenë gjysëmjetë të zvogëluar. Duke u rritur fëmija, sasia
e shurupit që duhet marrë bëhet mjaft e madhe. Kështu që, prej peshës 10 kg
e tutje, preferohet që të jepen copat e llogaritura të tabletës, apo kombinimi i
përgatesave (shih tabelën e barnave)
8.2.2 Kur të fillohet TAR
kur të FIlloHet tAr
Rreth 20% të foshnjave të infektuara me HIV, në vendet në zhvillim progredojnë
në AIDS, apo vdekje në moshën 12 muajshe (me efekt substancial të infeksioneve
me PPC në foshnje nën 6 muajshe, që nuk marrin trajtim me cotrimoxazole).
Është e mundur që terapia e hershme (qoftë edhe për një periudhë të kufizuar)
e infeksionit primar të foshnjave, mund të përmirësojë epilogun e sëmundjes.
Aktualisht, udhërrëfyesit e ShBA-ve rekomandojnë TAR të hershme për foshnjat,
por udhërrëfyesit Evropian janë më konzervativ. Në vendet në zhvillim, përfitimet
nga fillimi i hershëm i TAR-it në fëmijë, janë balancuar nga problemet e mundshme
me zbatimin, rezistencën dhe vështirësitë diagnostike. Përfitimet e qarta
klinike të dëshmuara nga provat klinike kërkohen, para se të rekomandohet
TAR-i i hershëm.
Për fëmijët dhe foshnjat me infeksion të vërtetuar me HIV, indikacionet për fillimin
e terapisë janë skicuar në Tabelën 25.
Në fëmijët e moshës 12–18 muajshe që janë pozitivë në HIV (antitrupa), me
simptoma dhe në të cilët HIV është shumë i dyshuar në bazë klinike, mund të
jetë e arsyeshme të fillohet TAR.
Fillimi i TAR në fëmijët asimptomatik nuk inkurajohet, për shkak të zhvillimit të
paevitueshëm të rezistencës me kohë. Trajtimi në përgjithësi duhet shtyrë, deri pas
trajtimit të infeksionit akut. Në rast të tuberkulozës që është shpesh e diagnostikuar
213
8. HIV/AIDS