Kujdesi spitalor për fëmijë - ICHRC

• Kontrakturat e shkaktuara nga djegiet. Lëndimet e shkaktuara nga djegiet në
pjesët flektuese të sipërfaqeve kontrahohen. Kjo ngjan madje edhe me trajtimin
më të mirë (pothuajse, çdo herë ngjan gjatë trajtimit të dobët).
— Parandalo kontrakturat, me imobilizim pasiv të pjesëve të përfshira dhe
nëpërmjet shtrirjes së pjesëve të flektuara. Shtrirjet mund të realizohen
nga allçia e Parisit. Fashat mund të vihen gjatë natës.
• Fizioterapia dhe rehabilitimi.
— Duhet filluar herët dhe duhet vazhduar përgjatë rrjedhës të kujdesit për
plagën e djegur.
— Nëse fëmija është hospitalizuar për periudhë më të gjatë, sigurohu që ai
të ketë qasje në lodra dhe të inkurajohet që të luaj.
9.3.2 Parimet e kujdesit për plagën
Qëllimi i kujdesit për çfarëdo plage është që të ndalet gjakrrjedhja, parandalohet
infeksioni, të vlerësohet dëmtimi i strukturave nënlëkurore dhe të promovohet
shërimi i plagës.
ä Ndalja e gjakderdhjes
— Presioni i drejtpërdrejtë do të kontrollojë çfarëdo gjakderdhje (shih figurën
në faqe 248).
— Gjakderdhja nga ekstremitetet mund të kontrollohet për periudha të shkurta
të kohës (