Kujdesi spitalor për fëmijë - ICHRC

Kapitulli 5
Diarrea
5.1 Fëmija që paraqitet
me diarre 110
5.2 Diarrea akute 111
5.2.1 Dehidrimi i rëndë 112
5.2.2 Dehidrimi mesëm 115
5.2.3 Nuk ka dehidrim 119
5.3 Diarrea perzistente 122
5.3.1 Diarrea e rëndë
perzistente 122
5.3.2 Diarrea perzistente
(jo e rëndë) 126
5.4 Dizenteria 127
Në këtë kapitull gjejmë udhërrëfyesit e trajtimit për menaxhimin të diarresë akute
(me dehidrim të rëndë, të mesëm apo pa dehidrim), diarresë perzistente dhe
dizenterisë, te fëmijët e moshës nga 1 javë deri në 5 vjeç. Vlerësimi i fëmijës me
kequshqyeshmëri të rëndë është përshkruar në seksionet 7.2 dhe 7.3 (faqe 178-
180). Tri elementet esenciale për menaxhimin e të gjithë fëmijëve me diarre janë
terapia rehidruese, shtimi i zinkut dhe të ushqyerit e vazhdueshëm.
Gjatë diarresë, përmes jashtëqitjeve ujore shënohen humbje të mëdha të ujit
dhe elektroliteve (natrium, kalium e bikarbonate). Dehidrimi ndodhë kur këto
humbje nuk zëvendësohen në mënyrë adekuate dhe zhvillohet mungesë e ujit
dhe elektroliteve. Shkalla e dehidrimit është klasifikuar sipas simptomave dhe
shenjave të cilat reflektojnë sasinë e lëngjeve të humbura (shih seksionin 2.3
(faqe 38) dhe 5.1 (më poshtë). Regjimi i rehidrimit zgjidhet sipas shkallës së
dehidrimit.
Zinku është mikronutrient i rëndësishëm për shëndetin dhe zhvillimin e fëmijës
në tërësi. Zinku humbet në sasi të mëdha gjatë diarresë. Zëvendësimi i tij
është më rëndësi për ta ndihmuar fëmijën për t’u shëruar dhe për t’a mbajtur të
shëndoshë në muajt e ardhshëm. Është dokumentuar se dhënia shtesë e zinkut
gjatë episodeve të diarresë e redukton kohëzgjatjen dhe rëndesën e episodeve
dhe e zvogëlon incidencën e diarresë në 2-3 muajt në vijim. Për këto arsye, të
gjithë pacientëve me diarre iu duhet zink shtesë, sa më parë pasi që të ketë
filluar diarrea.
Gjatë diarresë, zvogëlimi i marrjes së ushqimit dhe absorbimit dhe rritja e kërkesave
nutritive shpesh shoqërohen dhe shkaktojnë humbjen e peshës dhe ngecjen
në rritje. Zakonisht, kequshqyeshmëria shkakton diarre më të rëndë, më të gjatë
dhe më të shpeshtë, krahasuar me diarrenë te fëmijët pa kequshqyeshmëri. Ky
109
5. Diarrea