Kujdesi spitalor për fëmijë - ICHRC

Vizita kontrolluese
• Hulumto të gjitha episodet e ITU te djemtë e moshës > 1 vjeç dhe te të gjithë
fëmijët me më shumë se një episod të ITU, me qëllim të identifikimit të rastit.
Kjo mund të kërkojë referim për në spitalin më të madh, me pajisje për hulumtime
adekuate, me radiografi apo ultratingull.
6.9 Artriti septik apo osteomieliti
arTriTi sepTiK apo osTeomieliTi
Osteomieliti akut është infeksion i eshtrave, zakonisht i shkaktuar nga shpërndarja
e baktereve përmes gjakut. Sidoqoftë, disa infeksione eshtrash apo artikulacionesh
rezultojnë nga një vatër e afërt e infeksionit, apo nga plaga penetruese. Nganjëherë,
disa eshtra apo nyje mund të jenë të përfshira.
Diagnoza
Në rastet akute të infeksioneve të eshtrave apo nyjeve, fëmija duket i sëmurë,
është febril dhe zakonisht refuzon për të lëvizur gjymtyrën, apo nyjën e prekur,
apo të peshojë në këmbën e infektuar. Te osteomieliti akut zakonisht pjesa e
prekur mbi eshtra është e ënjtur apo e ndjeshme. Në rastet e artritit septik nyja
e prekur është e ngrohtë, e ënjtur dhe e ndjeshme.
Këto infeksione ndonjëherë paraqiten si sëmundje kronike, me ç’rast fëmija duket
më pak i sëmurë dhe mund të mos ketë temperaturë. Shenjat lokale janë më
pak të hetueshme. Në kuadër të infeksioneve bakteriale, konsidero osteomielitin
tuberkular kur sëmundja është kronike dhe në sinuset që kullojnë.
analizat laboratorike
Radiografia nuk ndihmon diagnostikimin në fazat e hershme të sëmundjes. Nëse
artriti septik është shumë i besueshëm, depërto me gjilpërë sterile në nyjën e
prekur dhe aspiro. Lëngu mund të jetë i turbullt. Nëse ka qelb në nyje, përdore
gjilpërën më të gjerë për eshtra për të marrë mostrën dhe larguar qelbin. Ekzamino
lëngun e aspiruar për leukocite dhe bëje kulturën, nëse është e mundur.
Staphylococcus aureus është shkaktar i zakonshëm te fëmijët me moshë > 3
vjeç. Te fëmijët më të vegjël, shkaktari më i shpeshtë është Haemophilus influenzae
tipi B, Streptococcus pneumoniae apo Streptococcus pyogenes grupi A.
Salmonella është shkaktar i shpeshtë te fëmijët e vegjël, në vendet me malarie
dhe me drepanocitozë.
Trajtimi
Nëse mund të realizohet kultura, trajtoje sipas organizmave shkaktarë dhe testeve
të antibiogramit. Përndryshe:
ä Trajtoje me chloramphenicol IM/IV (25 mg/kg për çdo 8 orë), në fëmijën me
moshë nën