You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
2.2.4. Arsimi i lartë në Shqipëri duhet të zhvillohet<br />
dhe të jetë konkurrues në rajon dhe më gjerë,<br />
prandaj në themel të tij duhet të qëndrojë<br />
KONKURRENCA midis institucioneve dhe<br />
individëve.<br />
2.2.5. Një parim tjetër shumë i rëndësishëm për<br />
arsimin e lartë është RRITJA E AUTONOMISË së<br />
institucioneve të arsimit të lartë në të katër fushat<br />
e kësaj autonomie: në atë financiare; organizative;<br />
akademike dhe atë të personelit.<br />
2.2.6. Sistemi i arsimit të lartë duhet të INTEGROJË<br />
MËSIMDHËNIEN dhe KËRKIMIN SHKENCOR. Është<br />
shumë e rëndësishme që në këto dy drejtime të<br />
mos matet dhe të mos vlerësohet vetëm puna e çdo<br />
individi në jetën akademike, por edhe që studentët<br />
të mësohen nga akademikë që kanë kontribuar në<br />
shkencë dhe në jetën shoqërore të vendit. Standardi<br />
i mësimdhënies nuk rritet vetëm nga mësimdhënës<br />
të mirë, por edhe nga studiues të mirë.<br />
2.2.7. Të gjitha institucionet e arsimit të lartë publik<br />
janë TË BARABARTA PËR FINANCIM nga fondet<br />
publike (parimi i konkurrencës). Kjo realizohet mbi<br />
bazën e vlerësimeve të mësimdhënies dhe të punës<br />
kërkimore-shkencore. Qeveria bën dallim vetëm për<br />
përparësitë strategjike të vendit.<br />
2.2.8. Disa programe studimi dhe disa nga<br />
institucionet e arsimit të lartë duhet të gëzojnë<br />
status “TË VEÇANTË”, për arsye se: janë përparësi<br />
kombëtare ose nuk mund të zbatojnë të njëjtat<br />
rregulla të konkurrencës si në IAL-të e tjera.<br />
2.2.9. Financimi i Institucioneve të <strong>Arsimit</strong> të Lartë<br />
bëhet në bazë të PERFORMANCËS së tyre me anë<br />
të modeleve/formulave që marrin parasysh:<br />
• Mësimdhënien<br />
• Punën shkencore<br />
• Zhvillimin<br />
2.2.10. Qeveria/<strong>Ministria</strong> e <strong>Arsimit</strong> dhe e Sportit<br />
përcaktojnë çdo vit PËRPARËSITË për arsimin e<br />
lartë, pra, se sa fonde do të shkojnë dhe cilat fusha<br />
kanë përparësi (Letra e Prioriteteve, ku çdo qeveri<br />
pasqyron politikat e saj), por jo mënyrën se si do të<br />
përdoren këto fonde nga IAL -të.<br />
2.2.11. Shpërndarja e fondeve publike për IALtë<br />
bëhet përmes AGJENCISË KOMBËTARE TË<br />
FINANCIMIT (AKF). Në shpërndarjen e fondeve<br />
publike, AKF-ja udhëhiqet nga parimet e:<br />
• Barazisë<br />
• Transparencës<br />
• Performancës.<br />
2.2.12. Për të synuar drejt një SISTEMI TË<br />
NJËSUAR DHE TË STANDARDIZUAR të arsimit të<br />
lartë në Shqipëri, IAL-të duhet të jenë:<br />
• të pavarura në veprimtaritë e tyre mësimdhënëse<br />
dhe në kërkimin shkencor,<br />
• të miradministruara, të përgjegjshme dhe<br />
transparente.<br />
Financimi nga shteti nuk duhet të ndikojë kurrsesi<br />
mbi autonominë e këtyre institucioneve për<br />
vetëqeverisjen e tyre. Në vijim të kësaj, shteti<br />
duhet të rrisë, nëpërmjet auditimeve periodike,<br />
ndërgjegjësimin dhe përgjegjshmërinë e këtyre<br />
institucioneve për të qenë më efektive.<br />
2.2.13. Në kushtet kur financimi i arsimit të lartë<br />
nga fondet publike është një çështje komplekse,<br />
jo vetëm për Shqipërinë, por edhe për vende<br />
të zhvilluara, është e domosdoshme futja e një<br />
PAGESE REFERENCË (TARIFË) për çdo student/vit<br />
akademik, ku qeveria përcakton KUFIRIN MINIMAL<br />
(DYSHEME) dhe MAKSIMAL (TAVAN) të tarifës, dhe<br />
ku çdo universitet vendos tarifat e tij brenda këtyre<br />
kufijve. Tarifa dysheme vendoset për të tria ciklet<br />
e studimit, ndërsa tarifa tavan vendoset vetëm për<br />
ciklin e parë të studimeve Bachelor.<br />
• Shtresat në nevojë financohen nga shteti me<br />
fond të veçantë (bursa sociale), sipas kritereve<br />
dhe kushteve përkatëse.<br />
• Studentët e ekselencës financohen nga shteti,<br />
pavarësisht nga statusi i tyre ekonomik.<br />
• Tarifa referencë për ciklin e parë të studimeve<br />
vendoset për programet e studimit, në përputhje<br />
me specifikat përkatëse (shkencat humane;<br />
shkencat e natyrës, inxhinierike dhe mjekësore;<br />
artet dhe sportet, e të tjera).<br />
• Për ciklin e dytë dhe të tretë të studimit, qeveria<br />
nuk përcakton tarifë tavan, por vetëm tarifë<br />
dysheme për të shmangur rastet abuzive të<br />
vendosjes së tarifave që nuk mund të garantojnë<br />
cilësi.<br />
2.2.14. Universitetet publike kanë STATUS<br />
JOFITIMPRURËS për procesin e mësimdhënies,<br />
por mund të zhvillojnë edhe veprimtari ekonomike<br />
fitimprurëse për aktivitetet e tjera jashtë<br />
mësimdhënies. Në këtë kuadër, ato mund të<br />
themelojnë organizma fitimprurës, me kusht që<br />
fitimet t’i përdorin në funksion të objektivave të<br />
zhvillimit të IAL-së.<br />
10