You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
dhe asaj financiare-administrative (bord<br />
administrativ, administrator i IAL-së, administrator i<br />
fakultetit, administrator departamentesh). Për anën<br />
organizative, shih skemën 5.1. Këto dy funksione<br />
koordinohen përkatësisht nga Senati dhe Bordi<br />
Administrativ.<br />
5.4.4. Skema e zgjedhjeve propozohet të<br />
ndryshojë. Parimi kryesor i zgjedhjeve është që<br />
drejtuesit të zgjidhen nga grupe që kanë njohuri të<br />
drejtpërdrejta mbi kompetencat dhe rolin e tyre. Në<br />
rastin e senatit apo të rektorit, në zgjedhje duhet të<br />
marrë pjesë vetëm personeli akademik me kohë të<br />
plotë i IAL-së. Studentët do të kenë një përfaqësim<br />
më të gjërë në vendimmarrjen e IAL-së, i cili<br />
detajohet në seksionin e organizimit studentor në<br />
këtë kapitull.<br />
5.4.5. Në qendër të vendimmarrjes akademike<br />
është Asambleja e Personelit Akademik (i gjithë<br />
personeli akademik me kohë të plotë i njësisë<br />
kryesore). Ky organizëm është shumë i rëndësishëm<br />
për mbarëvajtjen e vendimmarrjes demokratike<br />
dhe meritokratike në njësinë kryesore. Asambleja e<br />
Personelit Akademik merr përgjegjësitë e Këshillit<br />
të Fakultetit (në rastin e fakultetit) dhe një pjesë të<br />
tyre i delegon në disa komisione të përhershme,<br />
të ngritura në nivel fakulteti. Komisioni sugjeron<br />
që Këshilli të Fakultetit nuk duhet të funksionojë<br />
më. Kjo formulë synon të rrisë efikasitetin e<br />
punës së çdo njësie të IAL-së dhe të zgjerojë<br />
bazën e vendimmarrjes nga personeli akademik.<br />
Ky organizëm është përgjegjësi kryesor për<br />
vendimmarrjen akademike të universitetit, që nga<br />
zgjedhja e anëtarëve të komisioneve të përhershme<br />
deri te zgjedhja e senatit dhe e dekanit. Asnjë vendim<br />
i rëndësishëm akademik në IAL nuk mund të merret<br />
jashtë këtij forumi (shih skemën 5.1).<br />
Departamenti<br />
5.4.6. Departamenti merr më shumë kompetenca<br />
që lidhen me procesin e pranimit të studentëve,<br />
procesin e mësimdhënies dhe të kërkimit shkencor,<br />
por edhe në drejtim të karrierës për fitimin e gradës<br />
shkencore “Doktor i shkencave”. Departamenti<br />
krijon strukturat e brendshme të tij për menaxhimin<br />
e këtij procesi. Në fushën e pranimit të studentëve<br />
në programet e doktoratës dhe të mbrojtjes<br />
së gradës shkencore, departamenti merr disa<br />
nga kompetencat e Këshillit të Profesorëve, i cili<br />
sugjerohet të mos funksionojë më.<br />
5.4.7. Si njësi bazë e zhvillimit të mësimdhënies<br />
dhe e punës kërkimore-shkencore, departamenti<br />
është përgjegjësi kryesor për llojet e studimeve që<br />
organizon në të gjitha ciklet e studimit, për kurrikulat<br />
e studimeve, si dhe propozon numrin e programeve<br />
që duhet të organizojë dhe numrin e studentëve<br />
për çdo program. Në rastet e programeve të<br />
përbashkëta duhet të caktohet departamenti<br />
kryesor përgjegjës për mbarëvajtjen e procesit.<br />
5.4.8. Departamenti mundet të ndërtohet edhe në<br />
bazën e grupeve të kërkimit dhe të mësimdhënies<br />
në përputhje me fokusin dhe misionin që ai i ka<br />
vendosur vetes. Departamenti nuk mund të jetë<br />
i tillë pa program studimi mësimor dhe kërkim<br />
shkencor. Të dy këto procese akademike, të<br />
mishëruara te çdo akademik, organizohen në nivel<br />
departamenti.<br />
5.4.8. Departamenti duhet të menaxhojë fondet<br />
bazë të kërkimit shkencor, që shkojnë në<br />
departament nga burime të tjera. Departamenti<br />
duhet të ketë lirinë për të zhvilluar veprimtari për<br />
dhënien e shërbimeve për të tretë, sipas rregullave<br />
të përcaktuara, dhe të krijojë të ardhura nga kjo<br />
veprimtari, të cilat të riinvestohen në të mirë të<br />
veprimtarisë akademike të institucionit.<br />
5.4.9. Departamenti përcakton kriteret dhe numrin e<br />
pranimeve në IAL për të gjitha ciklet dhe programet<br />
e studimit që mbulon.<br />
5.4.10. Departamenti/Qendra ka në përbërje të<br />
paktën 7 anëtarë të personelit akademik me kohë<br />
të plotë. Të punësuarit në departament mund të<br />
angazhohen edhe në qendra studimore e kërkimore<br />
të IAL-së, por nuk mund të llogariten më shumë se<br />
një herë brenda IAL-së.<br />
5.4.11. Departamenti zgjedh drejtuesin e<br />
departamentit nga radhët e tij. Ky i fundit duhet<br />
të mbajë titullin “Profesor” ose “Profesor i<br />
asociuar” dhe gradën “Doktor”, në qoftë se nuk ka<br />
konkurrencë. Drejtuesi i departamentit zgjidhet me<br />
mandat 4-vjeçar dhe nuk duhet të shërbejë në më<br />
shumë se dy mandate.<br />
5.4.12. Sugjerojmë krijimin e postit të administratorit<br />
të departamentit, i cili do të merret me nevojat<br />
administrative dhe menaxheriale të departamentit,<br />
duke lehtësuar punën e drejtuesit akademik të<br />
departamentit. Ai mund të ketë nën varësi (sipas<br />
nevojave) një numër anëtarësh të personelit<br />
administrativ. Një administrator mund të mbulojë<br />
më shumë se një departament. IAL-të vendosin,<br />
në varësi të madhësisë dhe të financave të tyre,<br />
numrin e administratorëve të departamenteve, si<br />
dhe përcaktojnë rolin dhe detyrat e administratorit<br />
të departamentit sipas nevojave të tyre.<br />
29