You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
e rekrutimit duhet të jenë transparente dhe të<br />
pasqyrohen në statutet e çdo IAL-je në vend.<br />
5.4.30. Për personelin ndihmës akademik (si për<br />
shembull, laborantët) ndiqen të njëjtat procedura si<br />
për personelin akademik.<br />
5.4.31. IAL-ve publike duhet t’u jepet e drejta që<br />
për një pjesë të produktit të tyre kërkimor-shkencor<br />
të kryejnë veprimtari ekonomike, pra të kenë të<br />
drejtë të sigurojnë të ardhura për institucionin e<br />
tyre nga puna kërkimore-shkencore e personelit<br />
akademik, patentat etj., ose shërbimet që mund të<br />
ofrojë institucioni. Në këtë kuadër, çdo IAL mban një<br />
përqindje të projekteve (si “overheads” p.sh. 10%)<br />
dhe pjesa tjetër i shpërndahet personelit akademik<br />
në fjalë, të cilët mund ta marrin këtë shumë si të<br />
ardhur të drejtpërdrejtë mbi rrogën.<br />
Për të njëjtat veprimtari, edhe IAL-të jopublike<br />
me status sh.p.k. inkurajohen të përafrohen me<br />
misionin publik për shërbimet dytësore.<br />
Organizimi studentor<br />
5.4.32. Organizimi studentor duhet të marrë<br />
një rëndësi të veçantë për çdo IAL. IAL-ja është<br />
përgjegjës për krijimin e kushteve të nevojshme<br />
logjistike dhe financiare për organzimin e<br />
studentëve.<br />
5.4.33. Studentët duhet të përfaqësohen në një<br />
numër të caktuar Komisionesh të Përhershme<br />
brenda IAL-së që merren me çështjet e tyre<br />
të drejtpërdrejta. Sipas natyrës së komisionit,<br />
studentët mund të kenë deri në një të tretën e<br />
anëtarësisë.<br />
5.4.34. Komisioni sugjeron futjen e mbledhjes<br />
së përbashkët të personelit akademik dhe të<br />
studentëve në nivel departamenti. Në këto mbledhje<br />
trajtohen çështjet e studentëve për çdo program.<br />
Çdo program përfaqësohet me dy studentë.<br />
5.4.35. Rekomandohet që çdo program studimi<br />
të zhvillojë në fund të vitit pyetësorin studentor<br />
për cilësinë e mësimdhënies. Ky pyetësor<br />
është një tregues i rëndësishëm i cilësisë së<br />
mësimdhënies dhe shërben si referencë për matjen<br />
e performancës së departamentit.<br />
5.4.36. Komisioni, gjithashtu, sugjeron që ASCAL-i<br />
të organizojë çdo tre vjet vrojtimin studentor për<br />
çdo IAL/Departament, i cili bëhet publik dhe merret<br />
parasysh në vlerësimin e cilësisë së mësimdhënies<br />
së çdo IAL-je.<br />
Titujt dhe gradat e personelit akademik<br />
5.4.37. Vlerësimi dhe promovimi i personelit<br />
akademik duhet të kalojë në kompetencë të plotë<br />
të vetë IAL-ve. Për këtë është e domosdoshme<br />
të përcaktohen drejt kriteret kombëtare të<br />
promovimit të personelit akademik dhe Këshilli i<br />
Ministrave ka për detyrë të hartojë, dhe MAS të<br />
mbikëqyrë zbatimin e këtyre kritereve, si dhe të<br />
bëjë regjistrimin e titujve dhe të gradave. Senati,<br />
me anë të Komisionit të Përhershëm të Promovimit,<br />
menaxhon procesin e dhënies së titujve akademikë.<br />
Senati përzgjedh nga personeli akademik me titull<br />
“Profesor” i IAL-së anëtarët e këtij komisioni që<br />
ka mandat dyvjeçar, ndryshe nga komisionet e<br />
tjera të përhershme. Në dhënien e titujve, Senati<br />
merr përsipër disa nga kompetencat e Këshillit<br />
të Profesorëve. MAS ka për detyrë të hartojë dhe<br />
menaxhojë regjistrin kombëtar të titujve.<br />
5.4.38. Kriteret që duhet të përmbushë një IAL për<br />
të pasur të drejtën e dhënies së titujve janë:<br />
• të ketë ushtruar veprimtarinë e tij akademik pa<br />
ndërprerje, për jo më pak se 10 vjet nga krijimi;<br />
• të jetë domosdoshmërisht i akredituar nga<br />
ASCAL-i;<br />
• të ketë jo më pak se 18 profesorë të punësuar me<br />
kohë të plotë;<br />
• të ofrojë programe studimi të doktoratës në fushat<br />
e studimit ku mund të japë tituj akademikë.<br />
5.4.38. Personeli akademik i punësuar në IAL-të që<br />
nuk përmbushin kriteret e mësipërme, i drejtohen<br />
një IAL- je tjetër që i plotëson kriteret.<br />
5.4.39. Personi që do të promovohet, paraqet<br />
kërkesën pranë dekanit, i cili ia kalon dosjen<br />
departamentit. Ky i fundit, me mekanizmat e<br />
tij vlerësues, vendos mbështetjen apo jo të<br />
promovimit. Dosja me vlerësimin e departamentit i<br />
përcillet dekanit i cili, pasi ka verifikuar procedurat,<br />
ia përcjell senatit. Ky i fundit ia kalon dosjen<br />
Komisionit të Përhershëm të Promovimit të Titujve<br />
Akademikë. Ky komision, sipas përvojës aktuale,<br />
krijon jurinë, e cila merr vendimin profesional dhe<br />
ia kalon komisionit. Vendimi i kalohet Senatit për<br />
miratim përfundimtar.<br />
5.4.40. Së pari, është e rëndësishme të<br />
rikonceptohet struktura e titujve akademikë në<br />
Shqipëri. Struktura e titujve dhe e kategorive të<br />
personelit akademik sot përmban disa hallka të<br />
përziera nga sisteme të ndryshme. Komisioni<br />
sugjeron thjeshtëzimin e titujve dhe kategorive të<br />
personelit akademik.<br />
32