You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
KREU 5<br />
ORGANIZIMI DHE FUNKSIONIMI I<br />
INSTITUCIONEVE TË ARSIMIT TË LARTË<br />
PJESA II –<br />
NDRYSHIMET E<br />
REKOMANDUARA<br />
5.1. Organizimi aktual i IAL-ve<br />
Problemet e hasuara në sistemin e arsimit të<br />
lartë në Shqipëri, sipas raporteve të ndryshme<br />
të hartuara nga specialistë kombëtarë dhe<br />
ndërkombëtarë, janë të natyrave të ndryshme, të<br />
cilat janë adresuar edhe nga politika qeverisëse<br />
të mëparshme, duke pasur si pikësynim rritjen e<br />
autonomisë institucionale të IAL-ve në Shqipëri.<br />
Fillimisht, në këtë kre paraqitet shkurtimisht<br />
struktura e përgjithshme e IAL-ve dhe vendimmarrja<br />
në to, më pas analizohen problemet që vihen<br />
re në organizimin e brendshëm të IAL-ve, për<br />
të përfunduar me sugjerimet dhe ndryshimet e<br />
rekomanduara nga komisioni.<br />
5.2. Organizimi strukturor dhe<br />
vendimmarrja në IAL<br />
IAL-ja është e organizuar në këto njësi përbërëse<br />
organizative:<br />
• Njësi kryesore (fakultetet, institutet e kërkimit dhe<br />
të zhvillimit, kolegjet profesionale dhe filialet),<br />
• Njësi bazë (departamentet dhe qendrat e kërkimit<br />
dhe të zhvillimit)<br />
• Njësi ndihmëse (laboratorët, stacionet<br />
eksperimentale, njësitë didaktike, bibliotekat dhe<br />
njësi të tjera, që realizojnë studime, projektime<br />
dhe shërbime).<br />
IAL-ja drejtohet nga organe vendimmarrëse<br />
kolegjiale, si: Senati, Këshilli i Administrimit, Këshilli<br />
i Fakultetit dhe autoritete drejtuese ekzekutive,<br />
si: Rektori, Dekani, Përgjegjësi i departamentit.<br />
Anëtarët e Senatit dhe të Këshillit të Fakultetit<br />
zgjidhen nga i gjithë stafi. Në këto organe, personeli<br />
joakademik (që nënkupton personelin ndihmës<br />
akademik dhe atë administrativ) dhe studentët<br />
përfaqësohen përkatësisht me 5% dhe 15%. Po<br />
ashtu, dhe autoritetet drejtuese zgjidhen nga i gjithë<br />
personeli përkatës, ku votat e personelit joakademik<br />
dhe të studentëve vlejnë përkatësisht 5% dhe 20%<br />
të numrit të përgjithshëm të votave.<br />
Në rastet e qendrave ndëruniversitare, autoritetet<br />
drejtuese përzgjidhen me konkurs të hapur. Senati<br />
kryesohet nga rektori, ndërsa Këshilli i Fakultetit<br />
nga dekani. Këshilli i Administrimit përbëhet nga<br />
përfaqësues të zgjedhur nga personeli akademik<br />
i fakulteteve, të cilët kanë të paktën gradën<br />
shkencore “Doktor”, nga përfaqësues të Ministrisë<br />
së <strong>Arsimit</strong> dhe të Sportit dhe nga një përfaqësues<br />
i studentëve. Këshilli i Administrimit kryesohet<br />
nga kryetari, i cili zgjidhet nga anëtarët e tij me dy<br />
të tretat e votave. Ai ka detyrë mbikëqyrjen dhe<br />
kontrollin e veprimtarive të IAL-së, që lidhen me<br />
menaxhimin administrativ, financiar, ekonomik dhe<br />
të pronave të tij. Organet dhe autoritetet drejtuese<br />
në IAL zgjidhen për një mandat 4-vjeçar dhe nuk<br />
mund të rizgjidhen për më shumë se dy mandate<br />
radhazi në të njëjtin funksion.<br />
Drejtuesi më i lartë i një institucioni të arsimit të lartë<br />
është Rektori, i cili është autoriteti drejtues dhe<br />
përfaqësues i këtij institucioni. Emërimi i rektorit të<br />
zgjedhur/drejtorit të qendrës ndëruniversitare nuk<br />
është kompetencë e Ministrit, por e Presidentit<br />
të vendit. Shkarkimi propozohet nga Ministri i<br />
<strong>Arsimit</strong> dhe i Sportit dhe miratohet nga Presidenti.<br />
Emërimi i dekanit të zgjedhur bëhet nga rektori dhe<br />
shkarkimi i tij nga Ministri i <strong>Arsimit</strong> dhe i Sportit,<br />
me propozim të rektorit të IAL-së. Kancelari<br />
i institucionit është përgjegjës për drejtimin e<br />
përditshëm të institucionit, për zbatimin e buxhetit,<br />
për kontrollin dhe zbatimin e veprimtarisë financiare,<br />
si dhe për zbatimin e ligjshmërisë. Kandidatura e<br />
kancelarit përzgjidhet nga Këshilli i Administrimit<br />
dhe i paraqitet për miratim ministrit nga rektori.<br />
Në IAL janë parashikuar dhe autoritete të tjera<br />
drejtuese, si: zv.rektorët, zv.dekanët dhe kancelarët<br />
e njësive kryesore.<br />
5.3. Problematika<br />
5.3.1 Një nga problemet kryesore të hasura në<br />
menaxhimin e IAL-ve në Shqipëri është mungesa<br />
e ndërveprimit, në nivelin e duhur, të strukturës<br />
akademike me atë menaxheriale. Ky organizim<br />
i brendshëm ka sjellë pasoja jopozitive për<br />
funksionimin institucional të IAL-ve, siç janë:<br />
• mungesa e përgjegjësisë së drejtpërdrejtë për<br />
suksesin dhe dështimin e një IAL-je;<br />
• rritja e ngarkesës akademike në krahasim me<br />
IAL-të e rajonit dhe të kontinentit, dhe ngarkesa<br />
me detyra të vështira menaxheriale e personelit<br />
27