Create successful ePaper yourself
Turn your PDF publications into a flip-book with our unique Google optimized e-Paper software.
Këshilli i <strong>Arsimit</strong> të Lartë dhe Shkencës (KALSH)<br />
është organ këshillimor i Ministrisë së <strong>Arsimit</strong> dhe<br />
të Sportit dhe i Këshillit të Ministrave për politikat<br />
e zhvillimit në arsimin e lartë dhe në shkencë. Ky<br />
organ ka një varësi të dyfishtë sipas legjislacionit<br />
ekzistues.<br />
KALSH-i ka për mision të japë mendime e<br />
propozime për:<br />
• strategjitë e zhvillimit të arsimit të lartë si në lëmin<br />
e mësimdhënies, ashtu edhe në atë të<br />
veprimtarisë kërkimore-shkencore;<br />
• drejtimet kryesore të zhvillimit të arsimit të lartë;<br />
• projektbuxhetin e parashikuar për arsimin e lartë<br />
dhe shkencën dhe metodologjinë e shpërndarjes<br />
së tij;<br />
• standardet për vlerësimin dhe akreditimin e IAL-ve<br />
dhe të programeve të studimeve;<br />
• kriteret për dhënien e titujve dhe gradave<br />
shkencore, së bashku me Komisionin e Vlerësimit<br />
të Titujve Akademikë;<br />
• çështje të tjera të veçanta, të kërkuara nga<br />
Ministri i <strong>Arsimit</strong> dhe i Sportit.<br />
Komisioni i Vlerësimit të Titujve Akademikë (KVTA).<br />
Ky organ kolegjial ka këto detyra kryesore:<br />
• të vlerësojë propozimet e IAL-ve dhe të marrë<br />
vendim për dhënien e titullit akademik “Profesor”;<br />
• të kryejë njohjen zyrtare në Republikën e<br />
Shqipërisë të gradave shkencore ose titujve<br />
akademikë, të lëshuara nga institucione të<br />
huaja të arsimit të lartë, sipas procedurave, të<br />
përcaktuara me udhëzim të Ministrit të <strong>Arsimit</strong><br />
dhe të Sportit;<br />
• të përcaktojë kriteret e dhënies së titujve<br />
akademikë dhe të gradave shkencore në<br />
bashkëpunim me KALSH-in; t’u rekomandojë<br />
institucioneve të arsimit të lartë organizimin e<br />
studimeve të doktoratës dhe promovimin për titujt<br />
akademikë;<br />
• të vlerësojë, me kërkesë të Ministrit të <strong>Arsimit</strong> dhe<br />
të Sportit, zbatimin e kritereve dhe të procedurave<br />
për kualifikimin shkencor nga institucionet e<br />
arsimit të lartë dhe, kur vëren shkelje të kuadrit<br />
ligjor dhe nënligjor, propozon masat përkatëse;<br />
• të dërgojë përfaqësuesit e vet për të mbikëqyrur<br />
procedurat për mbrojtjen e doktoratave, si<br />
dhe për shqyrtimin e titujve akademikë, të cilat<br />
zhvillohen nga institucionet e arsimit të lartë në<br />
mbledhjet (seancat) e hapura.<br />
Konferenca e Rektorëve është organ kolegjial i<br />
pavarur i autoriteteve drejtuese të institucioneve<br />
publike dhe jopublike të arsimit të lartë. Kryen<br />
veprimtari të koordinimit dhe zhvillimit të arsimit të<br />
lartë dhe kërkimit shkencor dhe shpreh opinione për<br />
probleme të zhvillimit të institucioneve të arsimit të<br />
lartë, si dhe për rastet të tjera të parashikuara në ligj.<br />
4.2 Problematika<br />
4.2.1. Nga një analizë e thellë dhe e hollësishme<br />
e funksionimit, e drejtimit, e organizimit dhe e<br />
akreditimit të IAL-ve, si dhe nga vlerësimet e bëra<br />
në vite nga institucionet vendëse dhe të huaja<br />
(MAS, BB, UNICEF, UNDP) rezulton se sistemi<br />
i arsimit të lartë në Shqipëri paraqet një sërë<br />
problematikash komplekse, si edhe nuk u përgjigjet<br />
plotësisht nevojave aktuale dhe të ardhshme të<br />
zhvillimit të vendit, si për sa u përket aspekteve<br />
të mësimdhënies, ashtu edhe atyre të punës<br />
kërkimore-shkencore.<br />
4.2.2. Vlerësimet e sistemit të arsimit të lartë në<br />
Shqipëri tregojnë se ai mbart problematika në disa<br />
aspekte, në nivele të ndryshme. Këto problematika<br />
në disa raste nuk e kanë lejuar sistemin të formojë<br />
profesionistë që të mund t’u përgjigjen kërkesave të<br />
kohës dhe tregut të punës.<br />
4.2.3. Ndër problemet më të rëndësishme është<br />
mungesa e ndërthurjes së mësimdhënies me punën<br />
kërkimore-shkencore. Tregues i drejtpërdrejtë i kësaj<br />
anomalie është ekzistenca e dy ligjeve të ndara për<br />
Arsimin e Lartë dhe për Shkencën, që pasqyrohet<br />
në të gjithë organizimin e arsimit të lartë në vend.<br />
4.2.4. Vihen re edhe moszbatime apo zbatime të<br />
gabuara të ligjit aktual të arsimit të lartë, pavarësisht<br />
nga problematikat që ai paraqet në vetvete, si nga<br />
institucionet qendrore qeverisëse edhe nga IALtë.<br />
Kjo ndodh për arsye të ndryshme që lidhen si<br />
me faktorin njerëzor, ashtu edhe me mungesën<br />
e mekanizmave të vlerësimit dhe të kontrollit në<br />
çdo hallkë të sistemit. <strong>Raport</strong>imet vjetore nga ana<br />
e IAL-ve nuk janë gjithnjë transparente dhe here<br />
pas here u mungon analiza reale e gjendjes së<br />
tyre në çdo nivel, që nga cilësia e mësimdhënies<br />
deri te standardi i punës kërkimore-shkencore.<br />
Llogaridhënia në disa raste është në nivel minimal.<br />
4.2.5. Zhvillimet e vrullshme të sistemit të arsimit të<br />
lartë në Shqipëri kanë sjellë mbivendosje të ofertës<br />
akademike të IAL-ve dhe mungesë të përshtatjes<br />
më të mirë të rezultateve të të mësuarit me nevojat<br />
e tregut.<br />
4.2.6. Një mangësi tjetër e sistemit është edhe<br />
centralizimi i theksuar dhe vertikal i vendimmarrjes.<br />
21