Create successful ePaper yourself
Turn your PDF publications into a flip-book with our unique Google optimized e-Paper software.
KREU 7<br />
MËSIMDHËNIA<br />
PJESA II –<br />
NDRYSHIMET E<br />
REKOMANDUARA<br />
7.1 Cilësia e mësimdhënies<br />
Pas vitit 2000, me fillimin e procesit të riorganizimit<br />
të programeve të studimit në përputhje me kërkesat<br />
e Procesit të Bolonjës, sistemi i vlerësimit të tyre u<br />
përshtat me këtë sfidë si në formë, ashtu edhe në<br />
përmbajtjen e kurrikulave universitare.<br />
Vitet 2000-2003 shtruan platformën për këtë<br />
proces, ndërkohë në vitet në vijim të gjitha kurrikulat<br />
e programet iu nënshtruan këtij procesi.<br />
Vlerësimi i programeve të reja të studimit për<br />
herë të parë filloi të bëhej mbi bazën e kritereve<br />
të strukturës dhe të përmbajtjes, shoqëruar edhe<br />
me organizimin e kurrikulave sipas moduleve e<br />
lëndëve me aktivitete formuese të disa niveleve (të<br />
përgjithshme, bazë, profesionale dhe me zgjedhje),<br />
si dhe me vlerësimin e ngarkesës së studentit<br />
me kredite ECTS. Çdo program i ri studimi, i<br />
konsideruar si i tillë edhe kur ishte riorganizim i një<br />
ekzistuesi, kaloi në këtë proces. Kjo ishte e vërtetë<br />
veçanërisht për IAL-të publike, ndërkohë që deri<br />
në atë kohë pak programe të IAL-ve jopublike ishin<br />
aktive jashtë kuadrit të Bolonjës.<br />
Kështu, të gjitha programet e reja që ofrohen sot,<br />
janë në përputhje, të paktën në formë, në strukturë<br />
dhe në organizimin e përgjithshëm, me strukturën<br />
dhe ciklet e Bolonjës.<br />
Në procesin e vlerësimit paraprak përfshiheshin<br />
<strong>Ministria</strong> e <strong>Arsimit</strong> dhe e Shkencës, si dhe Agjencia<br />
Publike e Akreditimit të <strong>Arsimit</strong> të Lartë. Gjatë<br />
këtij procesi ka pasur shpesh mbivendosje të<br />
kompetencave institucionale, madje dhe në linjën<br />
formale administrative, duke u lënë për vlerësim<br />
institucioneve të sigurimit të cilësisë pothuajse<br />
vetëm përmbajtjen e programeve. Si pasojë e<br />
një ndarjeje jo të qartë të përgjegjësive midis<br />
institucioneve dhe të mungesës së koordinimit<br />
midis tyre, procesi i vlerësimit paraprak ka qenë i<br />
copëzuar.<br />
Mungesa e kritereve dhe e standardeve të qarta,<br />
lehtësisht të matshme, edhe për fushat kryesore<br />
akademike, ka bërë që procesi të rezultojë shpesh<br />
i paharmonizuar, madje edhe brenda së njëjtës<br />
fushë. Edhe përpjekja për përafrimin e programeve<br />
të studimit për formimin e mësuesve rezultoi e<br />
pasuksesshme, për shkak të ndryshimeve të<br />
vazhdueshme të këtyre programeve pas akreditimit,<br />
bazuar në lirinë që kanë senatet akademike për<br />
ndryshimin e kurrikulave.<br />
Vlen të theksohet se akreditimi nuk është shoqëruar<br />
me mbikëqyrje të procesit në vazhdimësi e, për<br />
pasojë, programet e studimit, pas akreditimit të<br />
tyre, kanë pësuar ndryshime të rëndësishme në<br />
përmbajtje, në personelin akademik, në format<br />
e mësimdhënies, madje edhe në vetë emërtimin<br />
e diplomës. Në këto rrethana, një nga detyrat<br />
kryesore të menjëhershme është zhvillimi i një<br />
sistemi funksional të vazhdueshëm mbikëqyrjeje për<br />
të garantuar respektimin e cilësisë.<br />
Cilësia e mësimdhënies duhet të vendoset në<br />
qendër të kësaj reforme. Deri më sot, cilësia e<br />
mësimdhënies është vlerësuar vetëm përmes<br />
treguesve formalë, që kanë lidhje me disiplinën,<br />
me respektimin e orareve mësimore, por pothuajse<br />
aspak me cilësinë e njohurive që përcillen te<br />
studenti, pra, me procesin e mësimnxënies.<br />
Përmirësimi i sistemit të sigurimit të cilësisë në të<br />
ardhmen duhet të përfshijë si vlerësimin e jashtëm,<br />
ashtu edhe atë të brendshëm.<br />
Pjesa më e madhe e IAL-ve publike nuk i janë<br />
nënshtruar asnjëherë procesit të akreditimit të<br />
programeve të studimit, pas licensimit dhe përpara<br />
lëshimit të diplomave, duke bërë që shpesh të<br />
kemi ndryshime tërësore të kurrikulave të këtyre<br />
IAL-ve, si në nivelin e objektivave, kompetencave<br />
profesionale, apo edhe të vlefshmërisë reale<br />
të diplomave në treg. Mungesa e zbatimit të<br />
standardeve të njëjta në vlerësim dhe në akreditim<br />
ka sjellë në këtë proces dallime në trajtimin midis<br />
IAL-ve publike dhe atyre jopublike.<br />
Ndërkohë që akreditimi i programeve në IAL-të<br />
jopublike, me pak përjashtime (në disa, që ofrojnë<br />
programe serioze, madje edhe të dyfishta apo të<br />
përbashkëta zyrtarisht me IAL-të jashtë vendit),<br />
është kryer në mjaft raste jo në mënyrë konsistente<br />
dhe koherente, me praktika përzgjedhëse edhe<br />
shpesh klienteliste. Problem i madh është jo vetëm<br />
akreditimi i programeve, por dhe zbatimi i tyre.<br />
41