950 Jahre Kleinrinderfeld 1060 - 2010 Festschrift - Gemeinde ...

ErlEbt und Erzählt von Willi SchirmEr
Der Holzstrich
Aufn Mittwoch wars, in der Früah,
der Hannes trinkt grad sei Kaffebrüah,
doa guckt sei Fraa zon Fanstern aus
und schreit: Was it denn loas doa daus?
Von Geroldshausa, Mous un Kiri rei,
all ströme sin zon Sternwert nei.
Doa säigt der Hannes, no dumms Luder,
wäst´s denn nit, Houlzstrich it!
Ar hoult sein guata Kittel vür,
künnt gar nit schnall gnuag dorch die Tür.
Ar rennt und springt und fellt sier nou,
doch endli it ar oun Haufa drou.
Langsam schieawa sie sich vür
Der Hannes steaht dann vor der Tür.
Und wia er dann guckt neid an Saal,
lieber Gott war des a Qual!
Ein Raach, ein Qualm, ein Gstank,
doa würd mer scho im vorraus krank.
Und mitten drinn, auf hohem Bock,
sitzt der Forstmeister Stock.
Er klingelt und die Leut sen still,
der Stock dar fröagt, war mitstreich will.
45 kost der Ster, wer bit mehr? Wer biet mehr?
50 schreit der Gehrigs Otto
Und denkt, i gwinn ja doch beim Toto.
Der Hannes denkt, der Karl hot Gald,
wia geits dann so was auf der Walt?
A Houlz muaß bie, sít ganz egal,
jetz streich i nei!
Ar steigert glei auf 50 nauf,
zum Dritten schreit der Stock
und fertig is der Kauf.
Dia weiber streicha a drauf loas
und denka, n´Freiti geits wieder Moos.
Der Eitels Schorsch als Holzfachmann
Streicht alles was er streichen kann.
40, 60 und no mehr,
ar geit a hunnert für en Ster.
Besonders tüchti war der Sepp (Amrehns Sepp)
Ar streicht drauf loas grad wia a Depp.
Ar mecht das nit für sich allee,
dar streicht glei für die halbi Gmee.
Getrunka wörd a fest dabei,
des it a lust´ge Streicherei.
Dia Förster schüttla scho die Köpf,
und denka: Des sen dummi Tröpf.
Alli wöll´n racht viel Houlz erhascha
Und schiewa´n Staat s Gald nei dia Tascha.
Stacka, Knüttel und Reisihaufa
Das söll´n die Rinnerfalder kaufa.
Das beste Holz von der Gemee
Künnt natürli naus´n Gää.
Der Hannes denkt, ets ist vorbei,
etzt pfeif i auf die Streicherei.
Dia Nummer hat er von sein Houlz,
etzt geaht er hämm sogar racht stoulz.
Mittag doa geht´r naus´n Wald,
doa hätt´s n halt schier ümgeknallt.
Für 50 Mark ´n Stackahaufa
Doa kann mers in der Apothek a kaufa.
Ihr liewi Leut bedenkt es wohl,
lasst Euch nit treib vom Alkohol!
Seid s´nächste Mal a bissla stolz
Und lasstn´n Staat sei teuers Holz!