Editorial - Quickborn. Vereinigung für niederdeutsche Sprache und ...

Ut’n Quickborn
Wi hebbt uns’ Schoolarbeiden ok mit de Satzung mookt un ward vundoog de
neen Paragraphen vörleggen un afstimmen. Wo dat üm geiht, ward wi noch
künnig.
Bedanken will ik mi nochmol besünners bi de beiden Froonslüüd in unsen
Vörstand: Bi Johanna un Christl. De een sorgt dor mit ehr Protokollen un ehr
Ümsicht för, wat allens to Papier kummt un nix vergeten ward vun dat, wat wi
bedenkt un seggt. De anner is för dat Geld tostännig. Tominnst för de Verwaltung
vun dat Geld un ok de anner Verwaltung.
Mi dücht, ik bruuk nich groot verkloren, wo wichdig dat in eenen lütten Vereen
as unsen is.
För mi is dit Johr 2008 besünners, wegen ik in’n poor Monot in’n Rohstand
goh un mit mien Arbeid as Paster an de Hochschool in Heid trecht bün. Dit
Johr warr ik de plattdüütschen Gottesdeensten, de ik afmookt heff, un ok mien
anner Soken noch so wieder moken. Denn will ik ober an vele Stegen wat
anners moken.
Mi hett dat good gefullen, wat ik so vele Johren för den Quickborn as Vörsitter
arbeiden dörf, ok wenn natürlich nich allens glückt is. Wo wi nu weet, wat
de Legislatur vun uns bi’n Quickborn veer Johr löppt, heff ik mi öberleggt,
wat ik dat nochmol wedder moken dä. Bet 2012. Dat is een langen Weg.
Ik dä dat man blots, wenn ik ok vun eenen Dag op’n anner ruthüppen kunn.
To’n Bispeel, wenn ik 2009 nochmol in’t Utland goh un dor pastereer. Or wat
weet ik.
Eerstmol kiekt wi alltohoop op dat, wat uns vör de Feut liggt. Un dat reckt
eerstmol.
So wied för nu.
Bedankt!
Dirk Römmer
im Januar 2008
104
Quickborn108-1.Korr. 104
25.03.2008, 9:06 Uhr