Editorial - Quickborn. Vereinigung für niederdeutsche Sprache und ...

RUNDSCHAU
Rundschau
90
GEBURTSTAGE UND JUBILÄEN
Rainer Schepper
Rainer Schepper ut Mönster is verliedden Jaohr achtig wuorn.
He is Frönd van Augustin Wibbelt west, hätt veel üöwer em füörskt.
He hätt den “Literaturkreis Augustin Wibbelt” vüörstaohn un de
“Schriften zur Wibbelt-Forschung” rutgiewwen. hjm
Christa Albershardt
In’n Dezember wörr Christa Albershardt 70 Johr oold. Se is de
“Speelboos” vun de “Finkwarder Speeldeel”, de vör över hunnert
Johr 1906 grünnt wörr. Ok ehr twee Döchter un een Enkelin
maakt bi de “Speeldeel” mit. Harburger Anzeigen u. N. / hjm
Klaus Lensch
An’n 17. Janewor kunn sik Klaus Lensch ut Ahrensburg bi Hamborg
freien: Ton 175. Maal harr he sien Stunn up Platt in’t Raadhuus.
Elkeen Dönnerdag vun Klock teihn bet twölf is he praat, mit
de Börgers up Platt to snacken – över Stüürn, över dat, wat allens
in de Stadt malört, över Breven vun de Verwaltung, de nüms verstahn
kann, oder ok eenfach bloots Klöönsnack. hjm
PREISE, EHRUNGEN
Plattdüütsche Book vun’t Johr
“Ebbe un Hehn” vun Birgit Lemmermann mit de Äventüürn vun
den 13 Johr olen Jung Thadde wörr vun de Carl-Toepfer-Stiften
un dat Institut för nedderdüütsche Spraak as dat Plattdüütsche
Book vun’t Johr 2007 uttekent. To den Pries geev dat 2000 Euro.
Övergäven wörr de Pries up de teihnte plattdüütsche Bookmess
in Hamborg in’n November. Tovör harr dat Book al den Lüttjepütt-
Pries krägen. Plattnet / INS / hjm
Fritz-Reuter-Pries
Den Fritz-Reuter-Pries vun de Carl-Toepfer-Stiften, de all twee Johr
utlaavt ward, kriggt för’t Johr 2008 de Schriever un Rundfunkjournalist
Gerd Spiekermann ut Hamborg. Dorto gifft dat teihndusend
Euro up de Hand. Keen anner nedderdüütsche Kulturpries hett son
grote Spendeerbüx. Spiekermann wörr för’t hele plattdüütsche
Wark uttekent. Dat sünd sien Vertellen un ok en Reeg Gedichten.
Wenn he vörläsen deit, beert he meist as plattdüütschen Entertainer.
Bi’n NDR Hamborg 90,3 is he faken to hörn bi “Wi snackt platt”,
“Platt für Anfänger”, “Hör mol’n beten to”, “Sonntakte”, bi’t Ha-
Quickborn108-1.Korr. 90
25.03.2008, 9:06 Uhr