Editorial - Quickborn. Vereinigung für niederdeutsche Sprache und ...

Rezensionen
Adam un Eva hebbt ehre beiden ersten
Söhns verloren: den een’ dör
Dootslag, wegen he weglopen is.
Man nu sünd Adam un Eva froh: Twors
is nich Kain trüchkamen, man Henoch,
Kain sien Söhn. Un se hört, dat Kain
leevt, dat he jichtenswo in de Welt
Lüüd funnen un Fro un Kinner hett.
Un dorüm nu, dat Henoch weet, woans
allens anfungen hett un wat mallöört
is, dorüm vertellt Adam von den Anfang.
Un he vertellt ok von dat Unglück,
nee, nich dat, wo se ut dat Paradies
verdreven worrn sünd. Dat weer
no Adam sien Menen keen Unglück,
nich wirklich; denn dor in’t Paradies,
dor is keen Leven, nich för den
Minschen, so as he is. De Minsch bruukt,
seggt Adam to Henoch, Arbeit, um
ganz Minsch to ween, he mutt fragen
un denken un doon. Dat Unglück, wo
sick Adam un Eva nich wedder von
verhaalt hebbt, is de Doot von Abel
un de Flucht von Kain. Un wi seht al,
ok hier gifft dat anthropologische Besinnung.
Wat is nu de Ünnerscheed to Bellmanns
Paradiestiet?
Wangerin sien Adam vertellt in Prosa
un blifft dichter bi dat erste Book Moses.
He hett en richtige Vertellsituation.
He hett en Adressat, Henoch, un he
vertellt von trüchliggen Tieden, gifft de
Familiengeschicht wieder. Anners as
bi Bellmann leevt Adam un Eva in Kontakt
to den Herrgott, tominnst höört se
sien Stimm un sünd in ehr Doon un
Denken op em utricht. Hier gifft dat
den Sündenfall, de allens verännert.
Nich blots, dat de Minschen överenanner
herfallt un enanner dootslaht. Ok
de Tieren jachtert achter de annern
Tieren her un freet se op.
70
Dat lohnt sick, dit Book to lesen. Sünnerlich,
wenn man ok Boy Lornsen un
Bellmann wedder lest. Denn interpreteert
sick de Böker wesselsiedig.
Wat mi an dit Book sünnerlich gefullen
hett, sünd de Teeknungen von Ursula
Sterly-Aniszewski. Ick harr meist
nich glöövt, dat mi naturalistische Teeknungen
so anspreken köönt. Un dorüm
heff ick fraagt, wat ick en poor von
de Teeknungen in dit Heft afdrucken
kann – blots so, dat de Ogen sick maal
utrauhn köönt un de Leser sick freit.
Jörg Wangerin: Kein Leben in’t Paradies?,
Biller von Ursula Sterly-Aniszewski,
rutgeven von den Heimatbund
für das Fürstentum Ratzeburg, Volkskundemuseum
des Ratzeburger Landes
in Schönberg, 1. Aufl. 2007, ISBN
978-3-9805722-4-8, (Buchhandlung
Hempel, 23923 Schönberg, 038828-
21543 – e 6,90)
Bolko Bullerdiek
Lachen Lachen ist ist nicht nicht genug
genug
Kloor, faken gifft dat wat to lachen,
wenn Stücke von Konrad Hansen
speelt ward. Man dat langt nich. Meist
gifft dat veel, wo de Tokiekers över
nodenken köönt, wo se över nodenken
schullen – wenn se denn köönt,
wenn dat plattdüütsche Theoter jem
dat nich afwöhnt hett.
Dit lütte Heft nennt sick ”Werkkatalog
2008”. Un dat is meist nich to glöven,
woveel Stücke Konrad Hansen för dat
Theoter schreven hett: Eenakter,
Mehrakter, Kortspele; Komödien, Lustspele,
Schwänke; Schauspele, ok woll
ernste Eenakter (man keen Tragödi-
Quickborn108-1.Korr. 70
25.03.2008, 9:05 Uhr