Editorial - Quickborn. Vereinigung für niederdeutsche Sprache und ...

Rundschau
Kontakt: Karl-Heinz Langer, Tel. 04322/
4628, Email KH.S.Langer@versanet.de.
Plattnet / hjm
Sprakenfründliche Gemeende
In’n Dezember wörrn in’n Kreis Nordfreesland
de sprakenfründlichen Gemeenden
uttekent. Nich bloots Städer
un Dörper kunnen sik dütmaal bewarven,
ok Bedrieven un Verenen. Fiert
wörr dat in’t Nordfriisk Instituut in
Bredstedt (Bräist). De Priesen güngen
an den Gemeenden Horstedt, Koldenbüttel
un Süderende (Föhr), an’t Klinikum
Nordfreesland un an’t Sozialwark
“ADS-Grenzfriedensburg / Arbeitsgemeinschaft
Deutsches Schleswig”. De
Nordfreesland-Redaktioon vun de
“Husumer Nachrichten” kreeg en Sünnerpries
för ehr freesch-plattdüütsche
Bilaag, de siet 1993 rutkummt. Wör ton
Begreuten kemen vun Caroline
Schwarz (tostännig för Minnerheiten)
un Kreispräsident Wree.
Nordfriisk Instituut / hjm
Klöönkrink in Gülzow
Dat Marktdräpen vun Gülzow (Kreis
Hartogdoom Launborg) schall ton Kulturzentrum
warrn. Dor schall ok en
plattdüütschen Klöönkrink tohörn. Ulrich
Niemann, de in’t Amt Schwarzenbek-Land
för Plattdüütsch tostännig is,
will up düsse Ord Plattdüütsch sünnerlich
an junge Lü ranfeuhrn. “Mennigmaal
is dat en stuur Wark”, sä he, “denn
egentlich hebbt wi dor keen Personal
för.” Sylter Rundschau / hjm
Biografie över Agathe Lasch
In de Rehg “Jüdische Miniaturen”
vun’n Verlag Hentrich & Hentrich hett
Christine Kaiser en Biografie över
98
Agathe Lasch rutbröcht. Agathe Lasch
weer an de Hamborger Universität de
eerste Germanistik-Professorin in
Düütschland un Philologin för Nedderdüütsch.
In de Nazitied wörr ehr de
Professorenstä wegnahmen. 1942 wörr
se ümbröcht. INS / hjm
Wikipedia up Platt
Dat plattdüütsche Wikipedia wasst un
wasst. Twors is dat noch lang nich so
groot as dat düütsche, man mit över
11000 Indrääg is dat grötter as t.B. Serbokroatisch.
Nakieken künnt ji ünner
www.nds.wikipedia.org.
Sylter Rundschau / hjm
Platt lehrn up Sylt
Al ton föfften Maal laadt de Volkshoogschool
Hannover-Land ton Bildungsurlaub
in Klappholttal up de Insel Sylt in.
Fief Daag lang künnt de Lü dor tohoop
mit den Dozent Hartmut Arbatzat Plattdüütsch
lehrn. Dat gifft Exkursionen up
Platt över de hele Insel, un ok Singen
un dat Upfeuhrn vun Sketche hört dorto.
Dat Seminar duurt vun’n 10. bet ton
14. Märzmaand. Infos bi de Volkshoogschool,
Tel. 05139/279281. INS / hjm
Landkreis Horborg up Platt
“Keen maakt wat up Platt in’n Landkreis
Horborg” för’t eerste Halfjohr
2008 is rutkamen. All Veranstaltungen
un Dräpen vun Klöönkrinks kann’n dor
naläsen. Dat gifft Adressen vun 175 Lü,
de wat up Platt up de Been stellt. Meist
all Gemeenden hebbt Froons- un
Mannslü utkäken, de för Plattdüütsch
tostännig sünd. Kriegen künnt ji dat
Heft in’t Kiekebarg-Museum un över
Email: timmwulfsen@aol.com.
Plattnet / hjm
Quickborn108-1.Korr. 98
25.03.2008, 9:06 Uhr