Editorial - Quickborn. Vereinigung für niederdeutsche Sprache und ...

Rezensionen
Wi seht den lütten Hayo ünner Rhababerbläder
sitten, de Käfer, Rupen,
Boddervogels bekieken un de Tied
vergeten, liekers he egentlich mank
de annern Jungs un Deerns in de erste
Schoolklass sitten schull. Wi seht de
Jungs sick op de Brüch de Tied verdrieven.
Se sünd dor twoors nich
scharp op, bi de HJ mittomaken, man
Rangafteken, jo, dat wüllt se hebben.
Un so mookt se een ton Anföhrer, den
annern ton Viez, den drütten ton Fahnendräger,
den veerten ton tweeten
Fahnendräger, ofschoonst se gor keen
Fohn hebbt.
Wi seht, woans Hayo en Deef ut den
Appelboom verjoogt, un beleevt denn
de Tragik: dat em dat nüms glöövt.
Ach, lacht sien Börder un Süstern,
Hayo vertellt wedder Geschichten.
Geschichten vertellen, dat kunn Hayo
Schütte as Kind al un dat kann he
vondoog noch un sick erinnern. Un
den Leser deelnehmen loten an en
Kindheit, de so weer, as de von veel
Lesers un doch ok ganz anners.
Dat Book is so mookt, dat du links den
hochdüütschen un rechts den plattdüütschen
Text hest. Mi hett dat nich
övertüügt. Wenn ick en plattdüütsch
Book kööp, denn stört mi de hochdüütschen
Sieden dormank. Un dat
mag anner Lüüd geven, de sick an de
plattdüütschen Sieden stört. Un dat en
Hochdüütschen sick mit dat Plattdüütsche
afmaracht un blots, wenn he’t
nich versteiht, op de linke Sied wiederleest,
dat glööv ick nich so recht.
Twüschendör gifft dat – blots op Platt
– Gedichten. De weern mi meist to
”platt”. Af un an hett mi en Gedicht
ok anröhrt, man dat denn as Överschrift
doröver steiht, wat de Leser
68
sülfst rutfinnen kann (En Jung sien
Gedanken), dat stört mi.
Bi dat Book gifft dat en Spegelschiev
(CD), dor köönt wi Hayo Schütte sien
angenehme Stimm hören un beleven,
woans he sien Geschichten vördriggt.
Un twüschendör singt Hayo sien
Dochter Rika Tjakea Schütte wunnerschön
mit de Grupp SWING OP DE
DEEL
Hayo Schütte, As ik noch wat jünger
weer …, Geschichten un Musik up
Düütsch un op Platt to lesen un to hören,
ISBN 978-3-00-022305-1, to kriegen
bi: Hayo Schütte, Cacheriener
Straße 17, 29484 Langendorf/Elbe,
www.hayoschuette.de (18 e + 1,50 e
Versandkosten) Bolko Bullerdiek
Kien Kien Leven Leven in’t in’t Paradies?
Paradies?
Dat Paradies hett Konjunktur – tominnst
in de plattdüütsche Literatur.
De erste weer Boy Lornsen, de ”Sien
Schöpfung un wat achterno keem” in
humoristische Verse beschreven hett.
He geiht mit den Herrgott üm, as wenn
he em persönlich kenn. Un dat klingt
denn so:
Gottvadder see: Un nu schöpf ik
den Mensch. Dat ward mien Meisterstück.
Mit dat Mannsbild fung he an,
De Madam keem achteran.
De tweete is Johann D. Bellmann mit
sien ”Paradiestiet”. He beginnt mit dat
Motto ut den Apollo-Tempel in Delphi:
”Fraag di, wokeen du büst!” Wokeen
bün ick, fraagt Bellmann, wat is de
Minsch? He geiht trüch to den Anfang,
maakt so’n Oort anthropologische
Bestandsopnahm.
Quickborn108-1.Korr. 68
25.03.2008, 9:05 Uhr