Editorial - Quickborn. Vereinigung für niederdeutsche Sprache und ...

Rundschau
kreis. Orkunn un Geldpries wörrn in
Mölln övergäven an de Spräkersch
vun’t Forum Helga Walsemann. To glieke
Tied is se ok tostännig för Plattdüütsch
in’n Landkreis. Plattnet / hjm
1500 Kolumnen
Mit sien 82 Johr is de plattdüütsche
Schrieversmann Günter Harte ut Hamborg
jümmer noch good up de Been.
In Feberwor weer sien 1500. plattdüütsche
Kolumne “Lütt bäten Platt” in’t
“Hamburger Abendblatt” afdruckt
worrn. “Dat heff ik mi freuher ok nich
dacht”, sä he. Säker ward he noch en
Tiedlang düchtig Texten levern, denn
“dat gifft je so väl to vertellen”.
INS / hjm
Keerlke 2007
Helmut Hinrichs ut Wittmund kreeg in
de November van de Vereen Oostfreeske
Taal de Keerlke, de oostfreeske
“Oscar”. Sien Leven lang is he up’t Rebett
van Plattdüütsk besig west. As junge
Mester hett he in de “Leuchtboje”-
Rieg mitarbeidt, later harr he Bahntjes
bi de oostfreeske Landskupp. Landraad
Henning Schultz hett de Prahlpreken
(Laudatio) hollen. Diesel / hjm
STERBEFÄLLE
Hans Jürß
In’n Oktobermaand störv Hans Jürß in’t
Öller vun nägentig Johr. Jürß, de ut
Mäkelborg stammen deit, weer lange
Tied Schoolraad in Ratzborg un över
teihn Johr in’n Vörstand vun de Stiften
Mäkelborg. He hett sik väl üm’t Huus
Mäkelborg kümmert, den “Plattdüütschen
Klöönsnack an’n Sünndagmorgen”
in’t Läven ropen un en
92
ganzen Barg för Plattdüütsch an de
Scholen daan. Ok “Scheulers lääst
Platt” in’t Hartogdoom Launborg is sien
Verdeenst. Bergedorfer Zeitung / hjm
Karl-Emil Schade
In’n Dezember bleev de tachentig Johr
ole Karl-Emil Schade dood. De gewaltige
Opgaav, de he sick för sien Leven
stellt harr, harr he afslaten: He hett dat
Ole un Neje Testament un ok de Apokryphen
ut de Urspraken in’t Plattdüütsche
översett. Bischop Hans Christian
Knuth vun de Nordelvsche Kark sä,
Schade weer en modernen Missionar,
de dat good henkrägen hett, Godds
Word in de lebennige un bildhaftige
plattdüütsche Spraak neger an de
Minschen to bringen. dpa / hjm
KINDER, SCHULE UND HOCH-
SCHULE
Ümfraag in Neddersassen
Tachentig Perzent vun de Börgers in
Neddersassen wüllt na en Ümfraag,
dat an de Scholen mehr för Plattdüütsch
daan warrn schall. Kott vör de
Landdagswahl hett de Neddersassische
Heimaatbund de Parteien fraagt,
wodennig se sik in de tokamen Legislaturperiood
för Plattdüütsch insetten
wüllt. Dat wat passeern mutt, dat seggt
all Parteien. Dat gifft sogor Stimmen
för en egen Schoolfack Nedderdüütsch,
tominnst wüllt se aver, dat
Plattdüütsch in de Lehrplaans verbindlicher
stahn mutt as betto. Nich
tofräden mit dat Ümsetten vun de
Charta is de SPD. Wi bruukt an de Universität
en Lehrstohl mit dat allenige
Fack Nedderdüütsch. Wat in Ollenborg
upboot ward, langt nich. Dor is Ned-
Quickborn108-1.Korr. 92
25.03.2008, 9:06 Uhr