Forum A+P 08

Volumetria e objektit ndahet në 5 nivele:
Niveli i parë (nëntoka) me kuotë projekti – 4.65m. Në të aktualisht ndodhen salla e kinemasë, disa zyra me destinacione të ndryshme,
kafe bar Mumja, nyje sanitare, korridore shpërndarës, ambjente teknike të destinuara për kaldaje, kabinë elektrike, impianti AC.
Niveli i dytë (kati përdhe) me kuotë projekti +/_0.00
Për të arritur këtë nivel (prej niveli të shëtitores) shërbejnë pjesët e sistemuara në të gjitha drejtimet e hyrjes dhe shkallë të jashtëme
travertini. Në këtë nivel është salla ose odeoni koncertal, ku improvizohen edhe panairet tregetare.
Niveli i tretë, i katërt, dhe i fundit përkatesiht me kuota projekti +5.40m, +9.60m, +11.40m
Janë ambjente të orientuara radialisht rreth hapësirës së brendëshme në formë ballkonadash përkundrejt atriumit-odeon; lëvizja
presupozon një linjë të vazhdueshme pa ndërprerje e shfrytëzuar për një ekspozim direkt si dhe për lidhjen me nefet (hapësirat) në thellësi.
Karakteristika kryesore e ambjenteve është lartësia e konsiderueshme si dhe mungesa e dritës direkte natyrale për arsye ekspozimi.
Programi i ri funksional për objektin:
1. Teatër Dramatik – me karakteristikë kryesore “dëgjimi i mirë i fjalës së folur”
Forma e sallës: Arena ose skema alternative
Kapaciteti: 500 vende
Elementet përbërës: Hapësirat arkitektonike të teatrit duhet të përfshijnë të katër nivelet funksionale.
1. Pjesa e publikut ose “front of house” që përfshin hollin, garderobën, ambjente funksionale sanitare, “box ofice”, biletari dhe
hapësira të tjera ndihmëse si korridore, dalje emergjence dhe kafe bar.
2. Salla (house) me 500 vende; e organizuar sipas koncepteve moderne të projektimit me ose pa ballkonada; me hyrje sa më
funksionale dhe organizim efektiv të siperfaqes. Volumi të konsiderojë jo me shumë se 5m3 / spektator
3. Skena të konceptohet me zgjidhje teknologjike të kohes si përsa i përket leksibilitetit ashtu dhe organizimit dhe efekteve të
ndriçimit. Ndryshimet e mundëshme gjatë performimit të jenë lehtësisht të kryeshme, në një kohë të shkurtër dhe pa zhurmë.
4. Pjesa e mbrapme ose “backstage” të parashikojë sallë prove, dhoma veshje, dhoma artistësh, depo, zyra administrative, ambjente
teknikësh dhe instalatorësh (ndriçimi, zeri, mekanike, regjistrim, ilmimi etj.).
Elemente esenciale: Konceptimi i teatrit për një performancë të sukseshme duhet që të krijojë një atmosferë unike ndërveprimi midis
audiences, artistëve dhe teknologjisë.
Kohezioni i audiencës: Mënyra se si aranxhohet audienca në relacion me sallën dhe skenën përbën një faktor përcaktues në krijimin
e një atmosfere teatrore ku audienca ndjehet e angazhuar nga perfomanca, dhe artistët komunikojnë shumë mirë me të. Projekti
duhet të ruajë një shkallë të përshtatshme njerëzore të organizimit të hapësires ku edhe një artist i vetëm të zotërojë me forcën e
fjalës gjithë audiencën. Kjo kërkon një zgjidhje dhe organizim të tillë të sallës ku spektatori është sa më afër performuesve artistë,
dhe në gjendje t’i shohë dhe t’i dëgjojë mirë.
Shikueshmëria: Të shohësh mirë audiencën është thelbësore, kështu që edhe spektatorët të gjithë të shohin performancën artistike.
Dhe jo vetëm të shohin pa pengesa apo pa kuizime shikimi por edhe duhet të jenë mjaftueshëm afër artistëve në mënyrë që të
shijojnë jo vetëm zërin por edhe gjestet, mimikën dhe të vlerësojnë artin skenik.
Akustika: Dëgjueshmeria e mirë është po aq e rëndësishme sa edhe shikueshmëria e mirë. Performanca artistike të ndryshme
kërkojne kushte të ndryshme akustike që të vleresohen.
Sigurimi i akustikës së brendëshme duke pasur parasysh “reverberation time” (T 1,2-1,8), “speech intelligibility” (V 80%), “impression
of space” që përcakton marjen e relektimeve zanore në raport me kohën dhe drejtimet. Që të mos degradojë dëgjimi i mirë
rekomandojmë