Chartes de communes et d'affranchissements en Bourgogne

— 563 —
parties et chasciiue de nous eu droit soy et pour tant que il luy touche es noms
que dessus, voulons nous, noz hoirs et successeurs estre contrains et exécutez
ainsi comme de chose adjugée, par les cours du Roy nostre Sire, et de ses juges
royaulx, par celles de Monseigneur le duc de Bourgoingne et de Monsieur l'official
de Lengres et par toutes autres cours et juridictions, tant d'église comme
séculières, ordinaires ou extrordinaircs quelx qu'elles soient, l'une d'icelles par
l'autre non cessant et sentence d'excommunîmeut nonohstant; aux juridictions et
contraintes desquelles cours et d'une chascune d'elles quant à ce nous les dites
parties, es noms et qualitez que dessus et chascune de nous en droit soy et pour-
tant comme il luy touche, soubsmectons et obligeons nous, noz hoirs, noz succès -
seurs, tous nos dits biens et dudit monasteire temporelz et ceulx de nos diz hoirs
et successeurs.
En tesmoing de ce nous lesdils abbé et convent avons fait sceller de noz seaulx
ces présentes lettres et les semblables d'icelles. Et nous lesdites parties avons
prié, requis et obtenu les seaulx desdites cours de mondit Seigneur et de Lengres
estre mis et appenduz ù ces présentes et ausdites semblables, lesquelles nous
voulons et consentons estre faites, refaites, corrigées et amendées une fois ou
pluseurs et tant de fois que de par aucun de nous les dites parties sera requis en
la meilleure forme de parolesque faire se pourra, la substance du prothocolle d'i-
celles gardée et non muée.
Ce fait est passé audit monastiere par devant Simon Naissant d'Ourtes, de-
meurant à Dijon, notaire juré desdites cours de monseigneur le Duc et de Lengres
et tabellion d'icelle court de Lengres et pour monseigneur le Duc , coadjuteur
de son tabellion dudit Dijon. Présens honorables, discrètes personnes et saiges
Maistre Pierre Baudot, dessus nommé, Messires Odot d'Orges, prêtre, curé de
Sevoïeu , Girard Bardoillet , aussi prêtre , Jacques de Marceuil , frère Jehan
Caignet, religieux de Clugny et pluseurs autres tesmoings à ce appelez et
requis.
Et nous Officiai de Lengres, à la relation de Simon Naissant, devant nommé
notaire juré, auquel quant à ce et plus grans choses, nous adjoustons foy plaine
comme ce en nostre présence fait avoil esté et lequel notaire juré nous a relaté
les choses dessus dites estre viayes et par davant lui avoir esté faites et passées,
avons en tesmoing de ce que dit est, fait mectre le seel de la court de Lengres à
ces dites présentes, faites et données les an, jour, lieu et heure dessus diz.
N.\ISSANT.
Original : Arcliives de la (Jûte-d'Or. Série H. Fonds de l'abbaye de Bèze. Affaires de la commune.