Irakurketa-idazketaren lorpen- prozesua paradigma ... - Euskara

"ezaugarri grafikoen azterketa egiten hasten da eta" haurra horrelatsuko
egoeraren aurrean aurkitzen denean, DEHNek (1986, 98) azpimarratzen
duenez .
Ezaugarri grafikoak ezagutzen doazen neurrian argazkiak kendu
egiten dira, eta orduan haurra ezaugarri grafikoetan bakarrik oinarritzen
da izen idatzi bakoitzean noren izen dagoen jakiteko .
Izen idatzia erabil daiteke haur bakoitzaren arropa zintzilikagailua
zein den adierazteko, marrazkiak eta gordetzeko karpeta identifikatzeko,
gelako aulkia seinalatzeko (Lazkaon, adibidez ; edo mahaiak
Orion), etxera bidali behar diren sobreak bereizteko, haur bakoitzaren
marrazkiak eta bestelako lanak seinalatzeko, e .a. ETXEBERRIA eta
ARAMBURUren (1987,98) lanean behin eta birritan adierazten zaizkigun
adibideak aipatzeko .
Izen hauek jolas eta aktibitate ugari moldatzeko aukerak
eskainiko dituzte ondorengo atalean azalduko denez .
Bereziki bakoitzaren izenean agertzen diren grafemen
kontzientzia hartzen dute haurrek, eta berauek duten jarraierazko
antolaketarena ; ikaskideen izenetan agertzen diren grafema berdinak,
ezberdinak, jarraiera berdintsuak,e .a. Nola idazten den aztertzen
hasteko abiapuntu egokia SCHEERER-NEUMANN eta lankideen
(1986,89) ustetan .
• Eskolaurrean ikasten eta entzuten diren ipuinak, abestiak,
asmakiloak, olerkiak, e .a. ere idatziz jarri daitezke eta haurrekin etxera
bidali -bakoitzarena bere izena daraman sobrean sarturik- gurasoek
jakin dezaten haurrak zer ikasten duen . Horrela gurasoek irakur
dezakete haurrak jadanik badakien ipuina, abestia, asmakiloa, . . .
Guzti hori idatzirik dagoen orriaren bestekaldean haurrek bere marrazkia
ere moldatu dezakete, eta nahi dutena idatzi . Ba dira bere
marrazkian bestaldeko testua kopiatzen dutenak, eta kopiatzen ari
diren horretan zer jartzen duten badakitenez, beren marrazkiari jarritako
textoan zer jarri duten ere era berean jakin ohi dute (EKINTZA
ikastolako andereño/irakasleetatik bildutako esperientzia) .
Era berean etxean kontatzen dizkieten ipuinak, asmakiloak,
abestiak, . . . gurasoek idatziz jar ditzakete eta haurrarekin eskolara
bidali, andereño/irakasleak haur guztien aurrean irakur ditzan .
1 0 5