Irakurketa-idazketaren lorpen- prozesua paradigma ... - Euskara

4 . IRAKURTZE-IDAZTEAREN IKASTE-PROZESU NATURALA :
PSIKOGENESIA
Irakurketa-idazketaren ikaste-prozesua oraintsu arte erakusteko
metodoei loturik egon da didaktikaren azterketa eta eztabaidetan .
Haurrak irakurtzen ikasten bazuen, erakusten zitzailako ikasten
zuela pentsatu izan dugu mendeetan zehar. Horregatik, nola erakutsi
izan da irakaslearen kezkarik nagusiena . Eta kezka eta galdera horri
erantzun nahitik , metodologia eta metodo ezberdinak sortu dira, bi
poloren inguruan bildu izan delarik nagusiki, eztabaida guztia :
metodologia analitikoa versus metodologia sintetikoa .
Hemen ez gara eztabaida horren inguruan ihardungo . Horretarako
daude hainbat eta hainbat lan . Hona nagusienak :
BROSLAVSKYren (1962) "La querella de los métodos en la enseñanza
de la lectura" ; DOHANTen (1968) "Etude experimentale des métfodes
d'apprentissage de la lecture" ; Ernst MEYER gidaritzapean burutu-
tako beste hau(1970) : "Erstleseunterricht : Theorie und Praxis" .
Azken hamar urteotan beste bide bat hartu du, ordea, irakurketa-id
azketaren didaktikaren ikerketak . Irakastea ikastearen zerbi-
tzuan egon behar duela pentsatzen da orain . Eta irakasteko lehenik
jakin behar dena, ikasleak nola ikasten duen ezagutzea dela . Era
honetan laburbiltzen du GIMENO SACRISTAN (1985, 67) irakasleak
"ikaste-irakaste" binomioaren barne lotura :
"Ikasten duen subjektuak jarraitu ohi duen prozesua argitzen du
ikastearen teoriak; hau da, ikastearen dinamika bat suposatzen du .
Ekarpen honek erabateko garrantzia du didaktikaren teoriarentzat,
ikastearen prozesua aurkitzeak irakaskuntzarako arau-bidea bait
dakar berarekin( . . .) Ikaste-prozesuan eskuhartze didaktikoak ikaste-
-teoriaren arauen izakerara egokituz egituratu behar du . Irakaslearen
iharduerak, erabiltzen dituen baliabideek, bere ekintzen sekuentzia-
zioak, ikaslearentzako prestatzen dituen iharduerek -ikaslearen
ikaste-prozesua eragiteko guztiak- teoria horrekin zerikusi zuzena
izan behar dute"
46