Irakurketa-idazketaren lorpen- prozesua paradigma ... - Euskara

Donostiako Ekintza ikastolako Eskolaurreko haurren gura-
soetatik 1989/90 ikasturtean zehar jasotakoa da beste adibide hau :
kontatzen dizkieten ipuinak, asmakizunak, abestiak, e .a. idatziz
jartzeko eskatzen diete haurrek gurasoei, horrela andereño-irakasleei
erakutsi ahal izateko, eta andereño-irakasleari etxekoek idatzitakoa
irakurri arazitakoan orman zintzilikatu nahi izaten dute .
Oso goiz suma dezake, bestalde, haurrak izen idatzien funtzional-
tasuna: etxeko atean gurasoen izena idatzirik dago etorkiek bertan
nor bizi den jakin dezaten ; karpetari izena jartzen zaio norena den
jakiteko ; kaleak bere izena du non bizi garen jakiteko,e .a. Hortik
haurrek agertzen duten beharra, beren marrazkiei eta bestelako
jostailuei, e .a. beren izena idatziz jartzeko . Izenak izango dira beren
ezagupen-ihardueraren aztergairik nagusiena, lan honen beste atal
batean adierazi dugunez .
Hizkuntza idatziaren funtzioetaz eta funtzionaltasunaz jabetzen
den neurrian, haurra ere bere erara eta "bere eginkizunetarako"
idazten hasiko da bere ezagupenak ematen dioen neurrian . Eta
hizkuntza idatziaz baliatzerakoan baliabide berorren azterketa egiten
hasiko da eta horretan aurreratu ahala nola idazten den gero eta
argiago geratuko zaio, J . GOODMANen (1982, 109) esanetan . Horre-
tatik kontexto esanahikorretan haurraren inguruan eta haurrarekin
hizkuntza idatziaz b aliatzearen garrantzia .
84