Kujdesi spitalor për fëmijë - ICHRC

FëmijëT Që ParaQiTEn mE gjEndjE EmErgjEnTE
— Nëse fëmija është zgjuar, mbaje ngrohtë dhe jepi 10% glukozë (10 ml/kg)
përmes gojës apo tubës nazogastrike dhe vazhdo menjëherë me vlerësimin
dhe trajtimin e plotë. Shih Kapitulli 7 (faqe 177) për detaje.
Vërejtje: Kur jep lëngje IV, trajtimi për shok ndryshon prej atij për fëmijën e ushqyer
mirë. Kjo për shkak se shoku nga dehidrimi dhe sepsa është e mundur të shoqërojnë
njëri tjetrin dhe këto është vështirë të diferencohen vetëm në bazë klinike. Fëmijët me
dehidrim përgjigjen në lëngjet IV (frekuenca e frymëmarrjes dhe pulsit bjen, rimbushja
kapilarike shpejtohet). Ata me shok septik dhe pa dehidrim nuk do të përgjigjen. Sasia
e lëngjeve të dhëna duhet përcaktuar sipas përgjigjes së fëmijës. Shmangiu tejhidrimit.
Përcille pulsin dhe frymëmarrjen në fillim dhe çdo 5–10 minuta, për të kontrolluar nëse
ka përmirësim ose jo. Vërej se lloji i lëngut IV gjithashtu mund të dallojë në kequshqyeshmërin
e rëndë dhe shpejtësia e infuzionit është më e ngadalshme.
Të gjithë fëmijët e kequshqyer rëndë kërkojnë vlerësim dhe trajtim të shpejtë, për t’u
përballur me problemet serioze, siç janë hipoglikemia, hipotermia, infeksioni i rëndë,
anemia e rëndë dhe problemet që mund të çojnë në verbërim sysh. Është njësoj e
rëndësishme që të ndërmerret aksion i shpejtë, për të parandaluar disa prej këtyre
problemeve, nëse ato nuk kanë qenë të pranishme në kohën e pranimit në spital.
1.4 Elementet diagnostike të fëmijëve, që paraqiten me
gjendje emergjente
Teksti vijues siguron udhëzimet për qasje në diagnozë dhe diagnozë diferenciale
të gjendjes prezantuese, për të cilën është siguruar trajtimi emergjent. Pasi të
kesh stabilizuar fëmijën dhe t’i kesh ofruar trajtimin emergjent, përcakto shkakun
themelor të problemit, për të qenë në gjendje që të ofrosh trajtim kurativ specifik.
Listat dhe tabelat vijuese sigurojnë disa udhëzime, të cilat ndihmojnë me diagnozë
diferenciale dhe janë plotësuar me tabelat në Kapitullin simptomë specifik.
1.4.1 Fëmija që paraqitet me ndonjë problem në rrugët e frymëmarrjes
apo frymëmarrje të vështirësuar
anamneza
• Fillimi i simptomave: të zhvilluara ngadalë apo me fillim të papritur
• Episode paraprake të ngjashme
• Infeksion të traktit të sipërm respirator
• Kollë
— kohëzgjatja në ditë
• Anamneza e asfiksionit
• Prezentë që nga lindja, apo e fituar
• Statusi i imunizimit
— BCG, DTP, MMR (vazhdon në faqen 21)
19
1. VTTE