A CHAIN OF KINGS - Books and Journals
A CHAIN OF KINGS - Books and Journals
A CHAIN OF KINGS - Books and Journals
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Transliteration<br />
III The Gowa chronicle 65<br />
33r<br />
Batara Guru saribattanna Tunabunoa Tolali Ratu Sampo Marantaya Karaeng<br />
Katangka iangku mabassung iangku maweke-weke ambilang-bilangi karaeng<br />
rioloa assi palakaya lulu gulang-gulanga bulaeng nipannenga ratu<br />
sikolaka nikamallakkinaji nikaluppai ri jaritauna ri turibokoana kaponna<br />
taniassenga ruai kodina kisaqringkai kalenta karaeng dudu nakanaka tau<br />
ipantaraka tau bawang dudujitu iaminne Tumanurunga sikalabini Karaeng<br />
Bayu iami anganakangi Tumassalangga Barayanga iami nanikana ri turioloa<br />
Tumanurunga kataniassengai kabattuana kamateana nikanaja malayengi<br />
iami nabaineang Karaeng Bayu taniassengtonngai paqrasanganna nikanaja<br />
bedeng sisariqbattangi Lakipadada nikanaya patanna Sudanga Karaeng<br />
Bayumi ambaineangi Tumanurunga naanaqmo Tumassalangga Barayanga<br />
tallu taungi nitiananga lassuki malari-larimemammi mangassengmemammi<br />
makana-kana masaiqmi aenna siaganga tau taballaka nakana tau sala-salai<br />
iami nanikana Tumassalangga Barayanga kasalanganna siwali irawa siwali<br />
irate tolina siwali mabatu siwali malaqbaq palabangkenna sallaqbuji katuluqna<br />
mange riolo poccina malompoi kontu bakuq karaeng kontuminjo nanakanamo<br />
taua tau sala-salai nanakanamo aenna angappai natau sala-salang<br />
anakku kasalanganna salangga barayang tolina buluq manngape uwu ri<br />
Jawa matappuq natalangerang pute lamati ri Bantaeng natilingi bangkenna<br />
bangkeng taikang poccina timbuseng loe limana punca sinomba ia mannyomba<br />
ia attaiq bulaenna ia mannyomba ia lappaq karoanna ia mannyomba ia<br />
palulung tauna malompo-lompoi anaqna napolong ruai tokenna namantammamo<br />
ri biliqna nataenamo ilalang ia-<br />
33v<br />
-mi tokenna sipolonga nampaempoangi anaqna nikana I Tanisamaang<br />
Tumassalangga Barayanga magauq taena angkana-kanai bainena kamateana<br />
nakanaja turioloa ri tau taballaqna mamempomako namalampa mawaraqmo<br />
ri moncong-monconga iwarakanna Jonggoa nagunturuqmo nabosi lalawamo<br />
nataenamo niciniq sanggena Tunatangkalopi nasanggena Tumassalangga<br />
Barayanga taniassengai bainena taniassengai anaqna passawalina anaqna<br />
magaukang bicarana taniassengtonngai bunduqna taniassengtonngai sallonna<br />
magauq taniassengtonngai kataenana kana-kanana Karaeng Bayu<br />
ruai sisariqbattang buraqne rua arinna nikana I Lakipadada iami patanna<br />
Sudanga Karaeng Bayu sonriqna nikana Tanruq Ballanga anne anaqna<br />
Karaeng Bayu ri Tumanurunga Tumassalangga Barayanga naanakang<br />
Tumassalangga Barayanga anganakangi I Puang Loe Lembang I Puang Loe<br />
Lembang anganakangi Tuniatabanri Tuniatabanri anganakangi Karampang<br />
ri Goa Karampang ri Goa anganakangi Tunatangkalopi Tunatangkalopi