A CHAIN OF KINGS - Books and Journals
A CHAIN OF KINGS - Books and Journals
A CHAIN OF KINGS - Books and Journals
Create successful ePaper yourself
Turn your PDF publications into a flip-book with our unique Google optimized e-Paper software.
III The Gowa chronicle 67<br />
Karaenga ri Tompoqbalang iapa anne karaeng mapareq rapang bicara timutimu<br />
ri bunduka sabannaraqnami anne karaenga I Daeng Pamatteq ia sabannaraq<br />
ia tumailalang iami ampareki lontaraq Mangkasaraka ambetai Garassiq<br />
Katingang Parigi Siang Sidenreng ampalilikangi Sanrabone Jipang Galesong<br />
Laba angallei saqbu katina Bulukumba Silayaraq ambetai Panaikang Madallo<br />
Cepa maulukana tuMarusuka tuPolombangkenga tuBoneya karaenna tuMarusuka<br />
nikana Karaeng Loe ri Pakere karaenna tuPolombangkenga nikana<br />
Karaeng Loe ri Bajeng karaenna tuBoneya naaganga maulukana Boteka<br />
iami aenna Bongkanga anne karaenga nipuji panrita dudu mabajiq magauq<br />
malambusuki gallarranna nikana Kasuiang ri Juru pakkareanna nikana I<br />
Kare Mangutungi iami anne uru angallei paqrasangang Bontomanaiq iatonji<br />
nikana Gallarrang Loaya anne karaenga napanjari ase lamung-lamung<br />
napanrarakki jukuq napammattiki balloq iatominne magauq nabattu Jawa<br />
nikanaya I Nagalasi mabunduki ri Pammolikang tallumpulo taungi angannang<br />
magauq iatonji magauq nanilipungi ri tuTalloka ri tuPolombangkenga<br />
ri tuMarusuka Karaenga ri Talloq naaganga siewa nikana<br />
31r<br />
Tunipasuruq areng kalena iangku mabassung nikana I Mangayoaberang<br />
tumagaukang ri Marusuq nikana Patanna Langkana areng matena nikana<br />
Tumatinroa ri Buluqduaya areng kalena iangku mabassung nikanami I<br />
Mappasomba padaengang nikana I Daeng Nguraga tumagaukang ri Bajeng<br />
anaqna Karaeng Loe nikana I Pasairi kakaqna I Daeng Masarro iaminne sisariqbattang<br />
tumagaukang ri Sanrabone ri Lengkeseq ri Katingang ri Jamaraang<br />
ri Jipang ri M<strong>and</strong>alleq tujui tujui sisariqbattang malaqlang sipuaengaseng<br />
iaminne karaeng nilipungi ri gaukang tallua Karaenga ri Lakiung siagangtongi<br />
Gurudaya tuMangasaya Tomboloq Saomata Sodiang anjorengi ri<br />
kalena Imamangkasi Barobosoq napaentengi iami naagang tuPolombangkenga<br />
ilauka kalena karaenga siagangi Sulengkaya Rappocini Rapo napaentengi<br />
tuSodianga tuManujua tuBoriqsalloa tuTalloka siagangi kalena I Daeng<br />
Masarro iami naagang situju kalena Karaenga ri Dataq siagang Cakuridiya<br />
Tamamangung napaentengi siagangi Paccellekang Pattallassang Bontomanaiq<br />
tuMarusuka naagang situju lebaki mabunduqmi nipalarimi tuTalloka tuMarusuka<br />
tuPolombangkenga manguloromami biseang namabiseang manaiq ri<br />
paqrasanganna tuTalloka malari mantama ri Talloq nassuluqmoa nasurokioq<br />
Tumapaqrisiq Kallonna mantama ri Talloq tujui ilalang nitoana nirappoi<br />
iami anjo nasitalliq karaenga Karaenga ri Talloq gallarranga iangaseng ri<br />
baruga nikelua ia-ianamo tau ampasiewai Goa Talloq iamo nacalla rewata<br />
kanakanaji nanipailalang mabunduq matena mate magarriji anne karaenga<br />
Tumapaqrisiq Kallonna iaminne mabunduq namaulukana Luwuka Datuq<br />
Matinroa ri Wajoq namaulukana Karaenga ri Salumekkoq nikanaya Magajaya<br />
Sanrabone Jipang Galesong Agangnionjoq Kawu Pakombong iatonji uru