Descargar - InvestigacionesHistoricaseuroAsiaticas-IHEA.com

ANEXO B
Confirmación por parte del rey Enrique IV a los Obispos de Trieste de las
libertades y jurisdicciones concedidas a ellos por parte de los reyes y
emperadores. 3 de enero del año 1040, Indicción VIII dada en Ratisbonda.
In nomine sancte et individuae trinitatis Henricus, diuina favente clementia Rex.
Si sanctis ac venerabilibus locis digna concessimus munera, tam anime
nostrae quam corpore proficuum esse minime ambigimus. Quo circa omnium
sancte ecclesie Dei fidelium praesentium scilicet et futurorum comperiat
universitas, qualiter nos interuentu ac petitione nostri dilecti fidelis poponis
patriarche nec non et cadlohi nostri dilectissimi cancelarii atque ob remedium
anime nostre parentumque nostrorum Adalgero sancte Tergestine sedis presuli
suoque episcopio in honore sancte Dei genitricis marie sanctique Justi martiris ibi
corporaliter quiescentis constructo ac dedicato omnia illa scilicet, Res, predia,
possessiones, familias que ab antecessoribus nostris regibus uel imperatoribus
per totam Istrie prouinciam seu loca eidem ecclesie praeceptaliter concessa seu
confirmata fuerunt, tam umagum siue fontanam Georgicam quoque cetera loca
simili modo donamus, confirmamus atque coroboramus prout juste et legaliter
possumus. Per hanc nostram regalem siue preceptalem paginam statuentes et
modis omnibus precipientes firmiterque iubemus ut in prescripta sancte
Tergestine sedis ecclesia siue episcopio tam in ejus plebibus quam monasteriis
titulis alysue ecclesiis domibus seu vrbanis siue rusticanis uel in prenominatis
locis aut in aliquibus eiusdem episcopij possessionibus nullus dux Marchio
comes vicecomes nullaque regni nostri magna paruaque persona placitum tenere
audeat aut eiusdem ecclesie massarios excusatos uel mendatos colones liberos
aldiones suos seu quosque super prefate ecclesie proprietatem residentes
quomodo distringere pignorare angariare nec non ad pretorium comitis ad
laborem costringere aut census reddibitiones donaria aliquo ingenio exigere
presumat sed liberos massarios excusatos uel comendatos quos legalis coactio
ad placitum querere exigite sine patrono aut aduocato suo nullus uenire
compellat: ut legalis intentio legali examine diffiniatur. Haec eadem etiam in
omnibus liberis et erimannis prefate ecclesie massariis quippe excusatis uel
comendatis et colonis omnimodis obseruari iubemus uidelicet ut ab eis nec
donaria reddibitiones pignorationes uel iniuste districtiones exigantur, sed
unusquisque quae regalis censura exigit a patrono suo ad placitum deducatur.
Tertiam partem quam reipublice debuerunt nulli comiti dent nisi eorum pontifici ne
pignorationis occasio aditum rapine depredatoribusque in aliquo prestet. Insuper
concedimus autem iam dicto Adalgero episcopo suisque successoribus ut
licentiam habeant undecunque potuerint homines attrahere et colocare super
ejusdem ecclesie terras ad comanendum et delaborandum.
Si quis igitur huius nostri precepti uiolator extiterit mille libras auri optimi se
compositurum nouerit dimidium camere nostre et dimidium sepedicto episcopo
sueque ecclesie. Et ut hec nostra regalis institutis stabilis et inconvulsa
permaneat hoc praeceptum manu propria roborantes sigillo nostro jussimus
insigniri.
Signum Domini Henrici tertii serenissimi et invictissimi Regis.
Kadelohus cancelarius uice herimanni archicancelarij recognouit.
Datum est tertio calendas Januarij indictione octaua anno dominice incarnationis
millesimo quadragesimo, anno Domini Henrici ordinationis duodecimo Imperij
primo. Actum in ciuitate ratisbona feliciter. Amen.
109