Descargar - InvestigacionesHistoricaseuroAsiaticas-IHEA.com

ANEXO F
Los Obispos Marco di Castello y Araldo de Chiozza jueces establecidos por
el Papa Celestino para conocer de la querella entre el Patriarca Gofrado de
Aquilea y el Capítulo de Trieste para la elección del obispo Wolcango
detienen la querella por motivo del reconocimiento hecho por el Patriarca.
Año 1192 en la ciudad de Altino
Marcus Dei gratia Castellanus, et Araldus eadem gratia Clugiensis Episcopi etc.
Conveniens, et aequum esse videtur, ut negotii processus ordine quo geritur ad
posteritatis memoriam stylo scripturae transmittetur, ne imposterum oblivionis
errore ambiguitas, et ex ambiguitate litigium oriatur. Qua propter nos memorati
episcopi supradicti de causa electionis Tergestinae Ecclesiae ad notitiam nostrae
perventa, praesenti paginae inserere curavimus. Cum autem memorata causa,
quae inter dictum Gottifridum Aquilejensem Patriarcham, et Archidiaconum, et
Canonicos Tergestinae Ecclesiae super electione Domini W. Tergestinensis
electi vertebatur nobis a Domino Papa Caelestino, decidenda, et fine debito,
appellatione remota, terminanda foret commissa, sicut in exemplo commissionis
manifeste apparet, eidem Patriarchae de mandato Domini Papae tertia feria intra
octavam Apostolorum Petri, et Pauli, idest Kalendiis Julii terminum peremptorium,
praefiximus. Verum praedictus Patriarcha in termino sibi constituto, Nuntium cum
litteris suis ad nos destinavit, in quibus continebat, quod ipse ab reverentiam
Domini Papae, sicut in exemplo litterarum ipsius annotata apparet, electionem
Wolcangi Tergestinensis electi, ab Archidiacono, et Canonicis Tergestinae
Ecclesiae factam confirmavit, nec quidquam eis de libera electione obiicere.
Sciant praesentes, et post nos venturi, quod Dominus Patriarcha, sciscitantibus
Tergestinae civitatis Nuntiis, utrum noviter electum eorum confirmaverit,
manifeste confessus est, quod dictum Wolcangum eorum electum confirmasset,
nec quidquam eis de libera electione obiicisse. Interfuerunt testes, Amicus
Concordiensis Canonicus, Octo Frat. Rasacensis, Abbati Ulricus Suaevius,
Philippus de Verona, Henricus Ruperti filius Decanus, Ulricus filius Ravini de
Mucho, Dominicus Tergestinus Praesbiter, Bonifacius Tergestinus della Corte.
Act. hoc An. Dom., Incar. 1192. In Altineis. Prius Prandium etc.
114