Descargar - InvestigacionesHistoricaseuroAsiaticas-IHEA.com
Descargar - InvestigacionesHistoricaseuroAsiaticas-IHEA.com
Descargar - InvestigacionesHistoricaseuroAsiaticas-IHEA.com
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ANEXO J<br />
El Obispo de Tieste Brissa di Toppo con el consentimiento del Patriarca<br />
Raimondo de la Torre traspasa al Comune el Gastaldonado y las regalías<br />
sobre Trieste reservándose la acuñación de monedas, la aduana, los<br />
feudos y los diezmos.<br />
10 Marzo del año 1295. Indicción VIII. Trieste.<br />
In nomine Dei aeterni. Anno ejusdem millesimo ducentesimo nonagesimo quinto.<br />
Indictione octava, die decima intrante martio. Actum Tergesti in Episcopali<br />
Palatio, praesentibus prudente Viro Domino Gillone Archidiacono Aquilejen., et<br />
Dominis Blaxio Mansionario Aquilejen., Rantulfo Praesbytero, et Zufredo Notario<br />
de Tergest., Riccardo et Odorico dicto Testa de Coppo familiari dicti Domini<br />
Episcopi infrascripti, Volvino Plebano de Umago, Jacobo dicto Albadia, familiare<br />
dicti Domini Archidiaconi et testibus ibi advocatis, rogatis, et aliis.<br />
Cum propter guerras et discordias habitas olim in provincia Histriae, et specialiter<br />
in districtu et Dioecesi Tergestina, depopulatae destructae et devastatae sint ......;<br />
ita quod propter nimias et urgentes necessitates, bona et jura dicti Episcopatus<br />
obligata sint per Reverendum Patrem Dominum Brixam Dei Gratia Episcopum<br />
Tergestinum, propter sui et familiae oportunitatem victus, et vestitus et aliorum<br />
necessariorum, cum aliter haberi non possint, et cum idem Dominus Episcopus<br />
usurarum onere pergravatus, dictum onus sustinere non valeat, quod in<br />
gravissimum damnum, imo in destructionem Episcopatus sui redundaret, quae<br />
supradicta patent ad plenum, Idem Dominus Episcopus habita deliberatione<br />
solemni et consilio, ac tractatu praecedentibus cum prudente viro Domino Gillone<br />
Archidiacono Aquilejensi Legato et Nuncio Reverendi Patris Domini Raymundi<br />
Dei Gratia Sanctae Sedis Aquilejensis Patriarchae et Capituli Aquilejensis, ac<br />
cum discretis viris Dominis Henrico Decano et Capitulo Ecclesiae Tergestinae, et<br />
aliis solemnitatibus, quae de jure consueverunt in hujusmodi contractibus<br />
observari.<br />
Considerans concessionem et locationem infrascriptam sibi et Episcopatui suo<br />
esse expedientem et minime damnosam, locavit et concessit, ac consensit in vita<br />
sua Domino Mathaeo Bajardo Sindico et Procuratori Dominorum Sardi Mostelii,<br />
Valexii Henriverici, et Sardii de Larzento Consulum Consilii et Communis<br />
Tergesti, sindicario et procuratorio nomine ipsorum recipienti, de consensu et<br />
voluntate dictorum Dominorum Decani et Capituli Ecclesiae Tergestinae Officium<br />
Gastaldionatus, cruentam et lividam, et regalia, cum eo jure quod habet et<br />
habere videtur, et hoc pro praetio et nomine praetii Ducentarum Marcharum<br />
frixeriorum bonorum denariorum, Aquilejensis vel Tergestinae monetae, de<br />
quibus dictus Procurator et Sindicus, sindicario et procuratorio nomine<br />
supradicto, medietatem solvere promisit usque ad festum Sancti Martini proxime<br />
venturi.<br />
Alteram vero medietatem a festo Sancti Georgii proxime venturi ad unum annum<br />
immediate sequentem in dictum terminum dicto Domino Episcopo, vel cui<br />
<strong>com</strong>miserit sub poena tertii plus in denariis, ut sors pro quolibet denario pro rata.<br />
Ita etiam quod si idem Dominus Episcopus aliqua jura habet contra Commune<br />
et homines Tergesti in Civitate et districtu Tergestino, quae jura Commune et<br />
homines de Tergesto non vident nec credunt, nec recordantur; idem Dominus<br />
Episcopus quiescet, et tacebit de ipsis petendis, vel requirendis in vita sua. Salva<br />
sibi semper muta, moneta, decimis, feudis et jure feudorum.<br />
122