Descargar - InvestigacionesHistoricaseuroAsiaticas-IHEA.com

ANEXO H
El Obispo Ulrico (o Volrico) de Portis concede a cambio de dinero muchos
de los derechos públicos sobre la ciudad al Comune de Trieste.
4 de Mayo del año 1253, indicción XI, Trieste
In Nomine Dei Aeterni, Amen. Anno Domini Millesimo CC.° quinquagesimo tertio,
Die VI Exeunte Mense Maii, Indictione XI.
Cum Ecclesia Tergestina foret magnis debitis et variis aggravata propter magnas
expensas et sumptus, quas Dominus Worlicus Dei gratia Episcopus Tergestinus
fecerat, tam in obsessu Brixie, ad petitionem et mandatum Domini Bertoldi bonae
memoriae, Sanctae Sedis Aquilejensis Patriarchae, quam in eundo cum eodem
Domino Patriarcha Lugdunum ad Concilium generale, et Austriam, Stiriam et
Hungariam, quam etiam propter graves collectas et provisiones sibi ac suae
Ecclesiae impositas a Domino Octaviano Cardinali, et a Domino Gregorio de
Montelongo Apostolicae Sedis Legatis, tam in providendo Regnum Ungariae,
quam etiam Episcopo Arateno, Tervisino, et Episcopo Cenetensi, et aliis personis
ecclesiasticis, et etiam propter gravia damna et expensas, quae et quas
Episcopatus Tergestinus sustinuerat propter guerram habitam inter dictum
Patriarcham Aquilejensem et Dominum Meynardum Comitem Goritiae et eorum
sequaces, propter quae debita possessiones Ecclesiae in majori parte sunt
pignori obligatae et Ecclesia supradicta sit in destructione maxima et ruina. Et
cum falces ygantum foeneratorum et aliorum creditorum, velut tineae dictam
Ecclesiam Tergestinam quotidie demoliantur devorent et corrodant, considerans
memoratus Dominus Episcopus, quod cum supradictus Episcopatus suus non
decrescerit, sed de malo in pejus potius augumentetur; nec in dicto Episcopatu
sunt aliqua mobilia cum quibus possit dicta debita expediri, ut majus damnum
Ecclesiae evitetur, de consilio et consensu Capituli sui proposuit de bonis
Episcopatus sui, de quibus Ecclesia minus lederetur, vendere et alienare pro
debitis persolvendis.
Unde memoratus Dominus Episcopus, titulo venditionis, dedit et tradidit et
concessit Dominis Johanni Rampho, Vitali de Alborio, et Bonifacio filio quondam
Canciani Consulibus Tergesti, recipientibus nomine suo et nomine totius
Communis, et omnium Civium Tergesti et eorum successoribus, et haeredibus in
perpetuum jus Collectae vini, et jus Petrolii, et jus Calcificum, et Pellipariae, et jus
Appellationum; videlicet, quod deinceps coram Consulibus appellatio non fiat de
aliqua quaestione ad eum, nec ad ejus successores; et jus Consulatus, videlicet,
quod potestatem habeant eligendi Consules Cives Tergesti ad dictae Civitatis
regimen, sine eo et ejus successoribus, et sine ejus et eorum contradictione; et
jus condemnationum et redditus; videlicet, quod damnare et absolvere possint ad
eorum voluntatem excepta condemnatione sanguinis, quam Gastaldio cum
Judicibus facere debeat secundum formam Statuti, quod Consules facient. Dans
eis et eorum successoribus licentiam et potestatem plenariam faciendi statuta,
tam de sanguine,
quam de omnibus aliis negotiis pro statu terrae, salvis omnibus aliis rationibus
Domini Episcopi tam in temporalibus quam in spiritualibus, et jus de non jurando
mandatum ejus, sed solum Consulum, et jus minuitatis mensurarum et pensae,
et jus p...., cum omni jure et actione, usu, seu requisitione reali et personali, utili
et directo sibi suisque successoribus nomine suo et nomine suae Ecclesiae
pertinenti.
Ad habendum, tenendum, et possidendum, et quidquid sibi, et suis
successoribus et haeredibus deinceps placuerit faciendum, pro praetio
octingentarum marcharum denariorum Tergesti, sive Aquilegens. de quibus
denariis satisfactum fuit quibusdam creditoribus, quibus Dominus Episcopus
supradictus tenebatur et obligatus erat, tam personaliter, quam per fidejussores
117