Descargar - InvestigacionesHistoricaseuroAsiaticas-IHEA.com

approbaverunt et omologaverunt per presens publicum instrumentum ac firma
rata, et grata habuerunt et esse voluerunt omnia et singula acta, facta promisisa
et conventa per suprascriptos dominos Capitaneos, Gubernatores, et provisores
cum suprascriptis sindicis et Ambaxiatoribus, Judicum, Comunis Universitatis
hominum et Consilii Tergesti et omnia et singula contenta expressa et specificata
in suprascripto instrumento scripto manu Francisci Vulpe notarii supradicti, cujus
copia et tenor inferius est insertus. Promittentes dicto nomine ipsa omnia et
singula perpetuo attendere, observare et efficaciter adimplere sub pena in ipso
instrumento infrascripto contenta et obbligacione omnium bonorum comunis
Veneciarum presentium et futurorum. Actum Veneciis in Ducali Palacio.
Presentibus sapiente et circumspecto viro domino Rafayno de Caresinis
Cancelario ducatus Veneciarum, ac providis viris Dominis Amadeo de
Bonguadagnis, Johanne Vido, Petro de Quadraginta, Andrea de Oltedo, et de
Girardo, omnibus Notaris Ducatus Veneciarum testibus fide dignis, notis ibi
vocatis adhibitis et rogatis et aliis.
Tenor autem suprascripti instrumenti celebrati inter suprascriptos Dominos
Capitaneum Gubernatores et Provisores nomine prefati domini ducis et comunis
Veneciarum ex parte una et suprascriptos sindicos et procuratores Civitatis
Tergesti ex altera talis est, videlicet:
In nomine Sancte et individue Trinitatis Patris et Filii et Spiritus Sancti, et gloriose
Virginis Marie, Sanctissimi evangeliste Marci protectoris Veneciarum et civitatum
suarum, nec non beati Justi protectoris civitatis Tergesti, et tocius celestis curie.
Ad honorem, exaltacionem, et augumentum Illustrissimi Principis et Domini
Domini Andree Contareni Dei gratia incliti ducis Veneciarum etc. ac comunis
Veneciarum. Ad comendacionem insuper et laudem Nobilium et sapientum
virorum dominorum Pauli Lauredano de ducali mandato Veneciae Capitanei
generalis terre Istrie, Jacobi Mauro procuratoris Sancti Marci et Johannis de
Priolis Gubernatoris et Laurentii Dandulo, Zacharie Contareno, Marci Dolfini, et
Lodovici de Molino provisoribus exercitus ducalis dominii Veneciarum. Coram
prefatis dominis Capitaneo generali terre Ystrie, ac Gubernatoribus et
provisoribus comparuerunt providi viri Ser Rizardus de Bonhomis, ser Julianus de
Juliano, Ser Bonaffè Grasso et Ser Dominicus Burlo Cives Tergesti, Sindici,
procuratores nuncii et Ambaxatores ac negociorum gestores prudentum virorum
Judicum comunis Universitatis hominum et Consilii Civitatis Tergesti ad
infrascripta omnia et singula et alia exercenda et facienda specialiter creati et
constituti, habentes ad ipsa omnia et singula infrascripta et alia speciale
mandatum et liberam potestatem pro ut de eorum sindicatu et procuratorio plene
constat publico instrumento scripto manu Nicolai de Picha Imperiali auctoritate
notarii Anno Domini millesimo trecentesimo sexagesimo nono indictione septima
die sextodecimo mensis novembris, a me notario infrascripto viso et lecto
sindicario et procuratorio nomine suprascripto, sponte et ex certa scientia animi
et non per errorem, omnibus modo iure forma et causa, quibus melius potuerunt
exposuerunt ac confessi et manifesti fuerunt dicto nomine quod Judices comune
Universitas, homines et consilium, civitatis Tergesti cognoscuntur et fatentur se
se graviter et multipliciter peccasse contra Illustre Ducale dominium et comune
Venetiarum, ac fecisse et venisse contra fidelitatem promissiones convenciones
pacta, et iuramenta quibus dictum comune et homines Tergesti per publica et
autentica instrumenta fuerunt legitime obligati prefato serenissimo et
excellentissimo domino domino Andree Contareno Inclito Duci Veneciarum etc.
et comuni Veneciarum ac predecessoribus suis. Unde merito perdiderunt gratiam
prefati domini ducis et comunis Venetiarum et incurerunt penas contentas in
instrumentis iamdictis. Sed quia humanum est peccare, Angelicum autem
emendare, ipsi judices, homines, comune Universitas, et consilium Tergesti, et
dicti eorum Sindici Ambaxiatores et procuratores eorum nomine, sperantes de
summa ipsius domini Ducis et comunis Veneciarum benignitate ac clementia,
135