Descargar - InvestigacionesHistoricaseuroAsiaticas-IHEA.com

ANEXO K
Obispo de Trieste Brissa di Toppo entrega al Comune su castillo de
Montecavo para que lo custodien por diez años.
10 Marzo del año 1295. Indicción VIII. Trieste.
In Nomine Dei aeterni. Anno ejusdem millesimo ducentesimo nonagesimo quinto.
Indictione octava, die decima intrante mense martio. Actum Tergesti in Episcopali
Palatio, praesentibus prudente Viro Domino Gillone Archidiacono Aquilejen., et
Dominis Blaxio Mansionario Aquilejen., Rantulfo Praesbytero, et Zufredo Notario
de Tergest., Riccardo et Odorico dicto Testa de Coppo familiari dicti Domini
Episcopi infrascripti, Volvino Plebano de Umago, Jacobo dicta Albadia, familiare
dicti Domini Archidiaconi, testibus ibi ad haec vocatis et rogatis, et aliis.
Consideratis multiplicibus malis et damnis, quae evenerunt Episcopatui et
Ecclesiae, Communi et hominibus Tergestinis per homicidia, captivitates,
incendia, rapinas, depopulationes, et vastationes vinearum et laboreriorum
suorum, et plures alias maneries et modos propter Castrum de Mucho quod
pervenit ad manus inimicorum Episcopatus Ecclesiae et Communis, ac hominum
de Tergesto, ut de ipso Castro diligens et secura custodia habeatur. Utque omne
dubium et periculum, quod evenire possit praedicto Castro tollatur, ac et ut villae,
et alia bona Episcopatus, et Ecclesiae liberae et securae sint sub protectione
Communis et hominum de Tergesto. Reverendus Pater Dominus Brisa, Dei
Gratia Episcopus Tergestinus habita deliberatione solemni et consilio ac tractatu
praecedentibus cum prudente viro Domino Gillone Archidiacono Aquilegensis,
Legato et Nuncio Reverendi Patris Domini Raymundi Dei Gratia Sanctae
Aquilegensis Sedis Patriarchae et Capituli Aquilegensis, ac cum discretis viris
Dominis Henrico Decano et Capitulo Ecclesiae Terg., et aliis solemnitatibus quae
de jure consueverunt in hujusmodi contractibus observari. Cognoscens
concessionem infrascriptam utilem esse pro Episcopatu ut Ecclesia Tergestina,
de consensu et voluntate Dominorum Henrici Decani, et Capituli memoratae
Ecclesiae Tergestinae, commisit et concessit Domino Mathaeo Bajardo Sindico
et Procuratori Dominorum Sardii Mostellis, Valexii Henrivici, et Sardii de Largento
Consulum Consilii et Communis Tergesti vice et nomine dicti Communis
recipienti custodiam Castri de Mucho, usque ad decem annos proxime venturos.
Remanentibus villis et aliis possessionibus spectantibus ad ipsum Castrum cum
Dominio et honorantiis Domino Episcopo memorato, excepto dominio de
maleficiis. Illa autem maleficia, quae exigunt poenam pecuniariam, dictus
Dominus Episcopus intra suos confines habeat, cognoscat, faciat et punire. Ita
etiam quod Commune et homines de Tergesto juvare, defendere, et
manutenere debeant dictum Dominum Episcopum bona fide in manutenendis
villis et juribus suis. Et e contra dictus Dominus Episcopus eis similiter facere
teneatur. Completis autem dictis decem annis Commune et homines de Tergesto
dictum Castrum dare, et restituere teneantur libere et absque ullo praetio, vel
satisfactione custodiae fatuminum, vel aliarum aliquarum expensarum factarum
Domino Episcopo memorato, promittens dictus Dominus Episcopus per se et
suos successores, et dictus Sindicus et Procurator, sindacario et procuratorio
nomine supradicto, stipulatione solemni interveniente ad invicem supradicta
omnia et singula rata et firma habere et tenere, attendere et observare, et non
contravenire vel facere per se, nec per aliquam personam interpositam aliquibus
ratione, exceptione, vel modo, ingenio, sive causa sub poena tercentarum
Marcharum denariorum novorum, Aquileg. vel Tergestinae monetae, quae toties
peti possit et exigi cum effectu, quoties committetur in eam cum refectione
damnorum, interesse, ac expensarum exinde competitorum, ac dictus Sindicus et
Procurator in animas praedictorum Consulum Consilii et Communis, ac suam,
tactis Evangeliis Sacrosanctis praedicta omnia et singula rata, et firma habere et
124