Descargar - InvestigacionesHistoricaseuroAsiaticas-IHEA.com

Quod si contrarium appareret, teneatur dictus Dominus Episcopus ad poenam
infrascriptam et nihilominus suprascripta et infrascripta firma permaneant
Revocavit insuper Dominus Episcopus memoratus omnes processus, quos fecit
contra Capitulum, et Clerum, et Commune ac homines Tergestinae Civitatis et
Dioecesis, et omnes et siugulos eorum, cassans et irritans instrumenta,
scripturas, et omnia jura quae apparerent exinde, promittens dictus Dominus
Episcopus de consensu et voluntate Dominorum Henrici Decani, et Capituli
Ecclesiae memoratae dicto Sindico et Procuratori, sindacario et procuratorio
nomine supradicto, stipulanti et recipienti dictam locationem, concessionem, et
consensum, et praedicta omnia et singula dictis Communi et hominibus de
Tergesto rata et firma habere et tenere, attendere et observare, defendere et
manutenere, et non contravenire, vel facere, seu movere per se nec per aliquam
aliam personam interpositam aliquibus nomine, exceptione, vel modo, ingenio,
sive causa, sub poena tercentarum Marcharum denariorum novorum,
Aquilejensis vel Tergestinae monetae, quod toties peti possit et exigi cum effectu,
quoties contrafactum filerit, poena quoque soluta vel non, suprascripta et
infrascripta nihilominus in sua permaneant firmitate.
Juraverunt insuper dictus Dominus Episcopus, in suam animam sibi praepositis,
ac Dominus Sindicus et procurator in animas praedictorum Consulum Consilii et
Communis, ac suam, tactis Evangeliis Sacrosanctis praedicta omnia et singula
rata et firma habele et tenere, et non contravenire occasione aliqua vel
exceptione.
Obligans dictus Dominus Episcopus jam dicto Sindico et Procuratori stipulanti et
recipienti sindacario et procuratorio nomine supradicto, omnia bona et jura sua et
Episcopatus sui, quae si contrafaceret, ipsi Commune et homines sua propria
auctoritate intromittere, tenere, ac possidere valeant absque licentia, judicio, vel
requisitione alicujus Dominii, seu Judicis Ecclesiastici, vel Saecularis, omnisque
alterius personae contradictione remota, usque ad integram solutionem et
satisfactionem omnium praedictorum, quae bona et jura dictus Dominus
Episcopus praecario jure, se ipsorum nomine, possidere confessus est, si contra
praedicta vel aliquod praedictorum faceret, vel veniret.
Renuntians dictus Dominus Episcopus exceptioni indebiti, sine causa vel ex
injusta causa in factum actioni omnique juri et legum decretalium, seu
decretorum auxilio, constitutionibus, consuetudinibus, litteris a Romana vel
qualibet alia Curia impetratis vel impetrandis, et cujuslibet alterius juris et usus
suffragio.
Supradictis interfuerunt Domini Henricus Decanus, Jacopus Archidiaconus,
Odorlicus Scolasticus, Almericus Sacrista, Gregorius Karottus, Andreas, Tomas,
Bertoldus, Floravancius, Marsilius et Bernardus Canonici Ecclesie memorate
suum adhibentes assensum. Ad majorem autempredictorum omnium firmitatem,
Dominus Episcopus memoratus ac dicti Domini Decanus, et Capitulum,
Consules, Consilium, et Commune Tergesti fecerunt presens instrumentum
eorum sigillorum pendentium appensione muniri. Ego Henricus Imperiali
Auctoritate Notarius hiis interfui et rogatus scripsi.
Ego Michael filius quondam Zampauli de Mugla Imperiali auctoritate Notarius ad
petitionem venerabilis Antonii Dei gratia Episcopi et Comitis Tergestini, de
mandato et licentia ejus supradictum exemplum ex publico Instrumento manu
Henrici Imperiali auctoritate Notarii sigillato sigillis cereis pendentibus, scilicet
Domini Episcopi, Communis, et Capituli Tergestini fideliter scripsi et exemplavi ad
perpetuam rei memoriam et ne perdatur, nil addens vel minuens quod sensum
mutet vel intellectum, nisi forte litteram vel sillabam aut punctum propter errorern
aut oblivionem, signumque meum apposui consuetum in testimonium
premissorum. Testibus Discreto Viro Stephanulo de Garbagniate, Fhilippo de
Tarabotis de Ancona, Igualdo de Bertin ......... Diocesis, Nicolao qm. Johannis de
Padua familiare dicti Domini Episcopi et aliis.
121