Descargar - InvestigacionesHistoricaseuroAsiaticas-IHEA.com

ANEXO N
El Comune de Trieste se somete a los Duques Alberto y Leopoldo de
Austria.
31 de agosto del año 1369, Indicción VII, en Trieste
In Dei nomine. Amen. Nos Rectores. Consilium et Commune. Civitatis Tergesti
fatemur et Notum facimus, Universis in perpetuum qui presentes litteras viderint
legerint seu legi audiverint nunc vel temporibus in futuris.
Quod nos deliberatis animis de Comuni consilio unanimi consensu et de certa
sciencia nostrum omnium ac alliorum ad nos pertinencium, pro nobis et universis
nostris heredibus et successoribus nomine Civitatis et territorii de Tergesto,
illustres et magnificos principes Dominos nostros graciosos Dominos Albertum et
Leopoldum fratres Duces Austrie, Styrie, Karintye, et Charniole, Dominos
Marchie et portus naonis, Comites de Habspurg Tyrolis in Kyburg et de Ferretis,
Marchiones Burgowie et Lantgraffios Alsatie, eorumque heredes et successores
nostros veros naturalles et hereditarios Dominus fore recognoscimus ac pro
Dominis habere volumus perpetuo quemadmodum ex debito id tenemur, cum
ipsorum progenitores ac ipsi ab antiquo nostri veri naturalles et hereditarii Domini
fuerint et de jure esse debeant et existant, et id circho vigore recognicionis
huiusmodi, nos prefatis nostris Dominis Ducibus Alberto et Leupoldo, suo
omniumque suorum heredum et successorum nomine integre et liberaliter
assegnamus et tradimus dictas Civitatem et territorium in Tergesto ac omnia
fortalitia ac castela ad ea pertinencia. Nec non personas et res nostrum omnium
habendas ut alliorum suorum hominum de suis Civitatibus et castelis Austrie et
etiam jura judicia jurisdicionem potestates dacias ac reditus et proventus ad
Comune dicte Civitatis pertinentes, quas et quos Comune dicte Civitatis Tergesti,
hactenus tenuit et levavit in dicta Civitate et territorio de Tergesto quibuscumque
numcupentur nominibus, seu de quibuscumque rebus proveniant semotis
excepcionibus omnibus atque dolis. Ita videlicet quod prefati Domini nostri Duces
Austrie nos Civitatem et territorium in Tergesto cum omnibus prenotatis suis
pertinenciis integraliter et libere teneant possideant instituant et destituant ac de
eis disponere et ordinare possint et debeant quemadmodum de ceteris suis
Civitatibus et castelis in Austria, eo solo excepto dumtacxat quod ipsi nos Venetis
seu quibuscumque aliis non vendant obligent nec in manus allias alienent vel
transferant, quovis modo, verum ipsi nos et dictam Civitatem Tergesti cum suo
territorio debent ad manus suas perpetuo retinere, prefati quoque Domini nostri
Duces Austrie posint etiam in dicta Civitate Tergesti iu quocumque loco voluerint
Castrum hedificare et erigere ad quod nos ipsi debemus et volumus suffragari et
cooperari vecturis et modis aliis quanto melius poterimus sine dolo et in
premissorum omnium testimonium evidens et robur perpetuum. Quod quam
prenotata omnia per nos et nostros successores adimpleantur et serventur
perpetuo inviolabiliter, presentes litteras dictis Dominis nostris Ducibus Austrie
appensione sigili Civitatis Tergesti tradidimus Communitatis. Dat. et et act. in
Civitate iamdicta. Anno Domini Millesimo tricentesimo sexagesimonono die
ultimo mensis Augusti Indictione septima.
Ego Matheus Bitinus de Tergesto Imperiali auctoritate notarius precdictis
omnibus interfui, ac de mandato Comunis Civitatis Tergesti subscripsi.
133