Descargar - InvestigacionesHistoricaseuroAsiaticas-IHEA.com

contractu contenta, et inferius declarata, de quibus omnibus predicta Comunitas
et homines Tergesti per prefatos ambaxatores suos plenissime et clarissime
cerciorati, plurimum contenti fuerunt. Regraciantes humiliter exinde prelibato
Inclito Domino Duci, et Comuni Veneciarum de tanta benignitate quam fecerant
eisdem, et confestim dicti Comune et homines de Tergesto, remiserunt Venecias
ad Ducalem excellentiam viros providos et discretos, Ser Bartholomeum de
Stoiano et Ser Franciscum de Bonohomis cives Tergesti, cum pleno et sufficienti
sindicatu, ad componendum, promittendum, firmandum, et complendum omnia et
singula in presenti contractu contenta. Quare predicti Ser Bartholomeus de
Stoiano et Ser Franciscus de Bonohomis, cives Tergesti, sindici procuratores, et
nuncii, Comunis, populi et universitatis Tergesti ad infrascripta omnia et singula,
et alia exercenda specialiter constituti, ut constat publico instrumento scripto
manu Mathei Bithini Imperiali auctoritate notarii anno Domini MCCCLXVIII
indictione sexta die vigesimo sexto mensis Augusti, a me notario infrascripto viso
et lecto, sindicario et procuratorio nomine suprascripto, et omnibus modo jure
forma et causa, quibus melius poterunt sponte et ex certa scientia, et non per
errorem, promiserunt et convenerunt per stipulationem solemnem Nobilibus et
sapientibus Viris Leone Bembo, et Andree Venerio de contracta Sante Margarite,
sindicis et procuratoribus predictorum Domini Ducis et Comunis Venetiarum pro
infrascriptis exercendi specialiter constituti, ut de eorum sindacatu constat publico
instrumento, scripto manu mei notarii infrascripti suprascriptis anno mense et
indictione, die vero secundo mensis septembris predicti presentis stipulantis et
recipientis nomine et vice predictorum Domini Ducis et successorum suorum, ac
Comunis Venetiarum.
Primo, quod Comunitas et homines Tergesti statim predictum navigium
contrabanni cum toto carico, vel valorem ejus, dabunt et assignabunt nobilibus
officialibus de Catavere Domini Ducis et Comunis Venetiarum, qui officiales de
ipso faciant et disponant prout ex eorum tenentur officio.
Secundo. Quod singulariter omnes illi de generali Consilio Tergesti personaliter
nomine suo, et totius Comunitatis prestabunt suprascripto Illustri Domino Andree
Contareno Duci Venetiarum, et similiter suis successoribus Ducibus Venetiarum
seu ambaxatoribus et nuntiis eorum, perpetue fidelitatis juramentum.
Tercio. Quod in signum dicte fidelitatis, Comunitas et homines Tergesti,
vexillum Sancti Marci nunc recipient ab ambaxatoribus seu nunciis prefacti
Domini Ducis et similiter recipient in qualibet creatione Illustrium Dominorum
Ducum et successorum eorumdem, et ipsum vexillum ponent et tenebunt
honorifice ad palatium Tergesti, supra platheam extensum, uno die, a mane,
usque ad vesperas, tam nunc quam pro qualibet creatione Ducis, ut dictum est;
et ultra hoc perpetuo omni anno in festo Pascatis resurrectionis Domini, ponent et
tenebunt ipsum vexillum Sancti Marci honorifice ad palatium per modum
jamdictum in signum fidelitatis, qua sunt Domino Daci et Comuni Venetiarum
perpetuo obbligati. Quarto. Quod tota Comunitas et homines et singuli homines
Tergesti realiter et personaliter et cum effectu, bona fide, et sine fraude
observabunt prelibato Domino Duci et Comuni Venetiarum ac successoribus suis
omnia et singula pacta in quibus Domino Duci, et predecessoribus suis, et
Comuni Venetiarum obligati fuerunt et sunt et tenebantur ac hodie tenentur a
tempore Inclite memorie Domini Henrici Dandulo olim Venetiarum Ducis inclusive
citra.
Quinto. Quod sit et esse debeat salvum et reservatum prefacto Domino Duci et
Comuni Veneciarum ac successoribus suis omne jus suum in penis, damnis, et
interesse in quibus Comunitas et homines Tergesti ceciderunt ab hinc retro, quia
non servaverunt hactenus pacta predicta.
Sexto. Quod illo duo judices qui fuerunt causa istius facti, videlicet Michael Ade et
Dominicus de Leo, ac ille qui fuit capitaneus sive caput illorum de Tergesto, qui
130