Descargar - InvestigacionesHistoricaseuroAsiaticas-IHEA.com

ANEXO G
El emperador Federico II confirma a los Obispos de Trieste las donaciones
efectuadas por sus antecesores a la Iglesia de Trieste.
Septiembre del año 1230, Indicción IV, dado en Anagni.
In Nomine Sancte et Individue Trinitatis.
Fridericus Secundus, Divina favente Clementia, Romanorum Imperator semper
Augustus; Jerusalem et Sicilie Rex.
Etsi in exaudiendis petitionibus Subditorum que Celsitudini nostre multoties
porriguntur, Majestatis Nostre gratiam ostendimus favorabilem et benignam;
illorum tamen supplicationes Serenitatis nostre munificentiam debebunt magis
favorabilem invenire qui pro se nobis non supplicant, sed pro Ecclesys quibus
presunt. Inde est quod notum facimus universis Impery nostri Fidelibus tam
presentibus quam futuris: Quod cum Coradus Venerabilis Episcopus Tergestinus
fidelis noster ad Majestatis nostre presentiam accessisset, quedam privilegia
Lothary Regis, Oddonis (Henrici), Karoli, Lodoyci, Lothary Ugonis fily, Berengary
et aliorum quamplurimum Imperatorum et Regum predecessorum nostrorum
Ecclesie Tergestine indulta nostre Celsitudini presentaverit, de quibus privilegys,
privilegium predicti Lothary Regis ad petitionem dicti Episcopi huic nostro
privilegio de verbo ad verbum jussimus interserendum. Cujus continentia erat:
Quibus privilegys nostre Celsitudini presentatis idem Episcopus pro parte
Ecclesie sue, Eccellentie nostre humiliter supplicavit, ut, tam privilegia ipsa, quam
quelibet bona Ecclesie Tergestine sibi confirmare de munificentie nostre gratia
dignaremur. Nos igitur petitionibus suis benignum prestantes assensum, et
singulis diligenter inspectis, que ipsa privilegia continebant, predecessorum
nostrorum vestigys inherentes, tam privilegia ipsa, quam quelibet bona Ecclesie
Tergestine quae nunc juste tenet et possidet, vel in antea justo titulo poterit
adipisci, predicto Corado Episcopo suisque successoribus pro parte Ecclesie
Tergestine perpetuo duximus confirmanda. De habundantiori quoque liberalitatis
nostre gratia concessimus et confirmamus eidem Episcopo et successoribus suis
pro parte Ecclesie supradicte Castrum Humagense, Syparum, Fontanam
Georicam, Castrum Vermes, et Insulam Pontiani cum omni jure et pertinentys
suis, ut liceat eidem Episcopo et successoribus suis undecumque potuerint
homines attrahere et collocare super ejusdem Ecclesie terras ad laborandum et
comanendum pro ut in privilegio Regis Henrici tercy et Octonis tercy vidimus
contineri. Mandantes et presenti scripti munimine firmiter statuentes, ut nulla
omnino persona alta, vel humilis, ecclesiastica seu secularis, publica seu privata
contra hanc nostram concessionem vel confirmationem venire presumat. Quod
qui presumpserit, preter indignationem nostram quam se pro certo noverit
incursurum, mille libras auri purissimi pro pena componat. Cujus medietas sit
Camere nostre, et reliqua medietas ipsi Episcopo ejusque successoribus
persolvatur. Ad cujus concessionis et confirmationis nostre memoriam et robur
perpetuo valituram, presens privilegium per manum Phylippi de Sabano Notary et
fidelis nostri Scribe et Typario nostre Majestatis Bulle auree impresso jussimus
communiri. Anno, mense et Indictione subscriptis.
Hujus rei testes sunt Berardus Venerabilis Panormitan. Archiepiscopus, Jacobus
Venerabilis Pactensis Episcopus, Rainaldus Dux Spoleti, Joannes de Romania
Secretarius, Ricardus Imperialis Aule Mareschallus, Venerabilis Salteburiensis
Archiepiscopus, Fr. He. Magister Domus Sancte Marie Theutonicorum in
Jerusalem.
Acta sunt hec apud Anagniam. Anno Dominice Incarnationis M. CC. Trigesimo,
mense septembris, quarta Indictione, Impery vero Domini nostri supradicti Dei
gratia Gloriosissimi Romanorum Imperatoris semper Augusti, Jerusalem et Sicilie
115