'n begeesterde span - Distell

Voorsittersverslag
Handelstoestande
Die sterkte van die Suid-Afrikaanse ekonomie was duidelik
sigbaar tydens die afgelope jaar, met BBP wat in die kwartaal tot
30 Junie 2005 met ’n jaarliks aangepaste koers van 4% gegroei
het. Dit is die 27ste agtereenvolgende kwartaal van ekonomiese
groei. Jaar-tot-jaar-kleinhandelverkope het in reële terme met
12% gegroei en verbruikersvertroue het hoog gebly.
Rentekoerse het ’n fyn balans gehandhaaf tussen die Regering
se inisiatiewe om inflasie te beperk, die heersende sterkte
van die geldeenheid en ’n sterk plaaslike ekonomie aan die een
kant en stygende verbruikerskuldvlakke en invoere aan die
ander kant.
Diskresionêre verbruikersbesteding het gedurende die tydperk
onder oorsig toegeneem en gefokus op duursame produkte,
maar daar was ’n afname in die gedeelte wat op alkoholiese
drank bestee is. Ons is van mening dat die strawwe aksynsverhogings
ten opsigte van wyn (en in ’n mindere mate
spiritualieë) verbruikerspatrone verander het. In plaas daarvan dat
verbruik ontmoedig word, neig hierdie verhogings om verkope
ondergronds te dryf en moedig dit onwettige handel aan.
Aangetekende groei in die plaaslike verkope van wyn en
spiritualieë is, op sy beste, weer eens gedemp met wynverkope
wat met 1% en spiritualieë wat met 2% gestyg het. Die
kategorieë wat die beste gevaar het, was reg-om-te-drink (RTD)
alkoholiese drank, premium spiritualieë, likeurs en vonkelwyne. In
die meeste gevalle het Distell se vertoning dié van die algehele
mark weerspieël, behalwe vir gefortifiseerde wyne, waar ons
beter as die mark presteer het.
Die sterk rand het internasionale markte toenemend bemoeilik
vir Suid-Afrikaanse vervaardigers, hoewel dit ook gelei het tot
die daarstelling van broodnodige sakedissiplines, veral in die
bestuur van alle aspekte van die waardeketting. Boonop word
beter wynboupraktyke oral bekendgestel. Dit sluit in die
DISTELL JAARVERSLAG 2005
beplanning vir spesifieke markte nog voordat die wingerde
gevestig word, wat verseker dat verbouingsprosesse en
bedryfskoste beter aanpas by die eindproduk en sy beoogde
pryspunt.
Dit het toenemend duidelik geword dat ons bedryf se toekoms
nie in die lae pryssegment lê nie, maar in die medium en hoër
pryssegment, waar die land se unieke mededingende voordele
beter benut moet word. In hierdie opsig word die Wyne van
Suid-Afrika (WOSA)-inisiatief om die implikasies van die ryk
biodiversiteit van die land se wingerdstreke te vergroot,
verwelkom. Dit is dringend noodsaaklik dat pogings om die
unieke karakter van Suid-Afrikaanse produkte te beklemtoon,
beter gekoördineer moet word tussen alle betrokke partye,
insluitende die Regering.
Die groei van Suid-Afrikaanse wynuitvoere, in waarde sowel as
volume, en die betreding van nuwe markte wys dat pryse meer
verband hou met volumetendense as ooit tevore en dit word in
ons eie prestasie weerspieël. Groter internasionale bewuswording
van en respek vir Suid-Afrikaanse wyne het gehelp om
die verkope van Distell-wyne regdeur alle prysvlakke te verhoog.
Dit het gebeur ondanks ’n sterk rand en bekragtig weer eens
ons voortgesette investering in handelsmerke.
Transformasie
Distell ondersoek tans die strukturering van ’n swart bemagtigingsinisiatief
wat alle werknemers, sowel as die breë gemeenskappe
waarby ons betrokke is, sal bevoordeel. Beduidende
vordering is al in hierdie opsig gemaak en besonderhede sal
bekend gemaak word sodra dit gefinaliseer is.
Onrealistiese hoë verwagtinge vir vinnige transformasie in die
wynbedryf, veral wat betref die eienaarskap van bates, word
weerspieël in die trae oordrag van grondbesit. ’n Verslag wat
onlangs deur die Universiteit van Stellenbosch vrygestel is, dui
daarop dat daar tot op datum nie meer as 120 wynbouprojekte
17
OORSIGTE VOORSITTERSVERSLAG