'n begeesterde span - Distell

26
OORSIGTE BESTURENDE DIREKTEUR SE VERSLAG
Besturende direkteur se verslag
Finansieringskoste en kontantvloei
Kontant gegenereer uit bedryfsaktiwiteite het tot R794,5 miljoen
gestyg in vergelyking met verlede jaar se R761,2 miljoen.
Kontant teruggehou uit bedryfsaktiwiteite het R263,5 miljoen
(2004: R344,9 miljoen) beloop.
Die groep het kapitaalbesteding aansienlik verminder en
beleggings om bedrywighede in stand te hou en uit te brei het
R92,8 miljoen (2004: R161,2 miljoen) beloop.
Die groep het ’n netto kontantvloei van R171,9 miljoen
gegenereer, met ’n ekwivalente vermindering in die netto
rentedraende verpligtinge, en gevolglik het die netto
finansieringskoste met R42,5 miljoen tot R52,3 miljoen
verminder.
Rentedekking, wat netto rente betaal in verhouding tot wins
voor rente en belasting is, het vanaf 6,1 tot 13,9 verbeter.
Buitelandse valutabewegings
Die groep het valutablootstellings, wat hoofsaaklik ontstaan
vanweë transaksies in buitelandse geldeenhede.
Enige verandering in die wisselkoers wat plaasvind tussen
die transaksiedatum en betalings- of verslagdoeningsdatum,
word apart in die inkomstestaat aangetoon in terme van AARP.
In die vorige jaar is ’n verlies van R24,9 miljoen in dié opsig
gereflekteer. Gedurende die oorsigjaar was wisselkoerse minder
wisselvallig en gevolglik is geen verliese gely nie.
Belasting
Die effektiewe belastingkoers het van 25,7% tot 28,3% gestyg,
hoofsaaklik vanweë die verhoogde betaling van sekondêre
belasting op maatskappye (SBM).
Wesensverdienste
Wesensverdienste het met 34,5% tot R482,2 miljoen gestyg.
Dié groei kan hoofsaaklik toegeskryf word aan ’n toename in
bedryfswins van 19,8% en ’n aansienlike vermindering van
finansieringskoste en buitelandse valutaverliese.
Dividende
Die direkteure het besluit om dividend nommer 34 van 67 sent
per aandeel te verklaar, wat die dividend vir die jaar tot 30 Junie
2005 op 123 sent (2004: 97 sent) per aandeel te staan bring.
Hierdie dividend verteenwoordig ’n dividenddekking van
2,0 keer (2004: 1,9 keer) op wesensverdienste.
Besonderhede van die dividendbetaaldatum en ander verwante
inligting word uiteengesit in aantekening 25 by die finansiële state.
Beleggings en befondsing
Totale bates het met R152,5 miljoen tot R5,0 miljard gestyg, wat
’n styging van 3,2% op die vorige jaar is.
Kapitaalbesteding, wat primêr gefokus was op vervanging en
doeltreffendheidsverbeterings, het R92,8 miljoen (2004: R161,2
miljoen) beloop.
Belegging in bedryfskapitaal het met 5,1% tot R1,87 miljard
gestyg. Verbeteringe van stelsels en prosesse het die bestuur in
staat gestel om verder op algehele voorraadomsetsnelheid te
verbeter (voorraad in verhouding tot die koste van goedere
verkoop) sonder om klantediensvlakke te beïnvloed. Algehele
voorraadomsetsnelheid het van 210 tot 205 dae verbeter.
Netto rentedraende verpligtinge is van R485,9 miljoen verlede
jaar tot R265,0 miljoen op 30 Junie 2005 verminder. Netto
rentedraende verpligtinge in verhouding tot die netto
kontantvloei van normale bedryfsaktiwiteite het vanaf 0,64 tot
DISTELL JAARVERSLAG 2005