'n begeesterde span - Distell

voorsitterskap van D Prins, ’n onafhanklike, nie-uitvoerende
direkteur. Die voorsitter van die direksie tree nie as voorsitter van die
ouditkomitee op nie.
Die komitee vergader minstens vier keer per jaar. Die eksterne
ouditeure, die besturende direkteur, die finansiële direkteur en die
groepsekretaris is op elke vergadering teenwoordig terwyl ander
lede van die bestuurspan, insluitende interne ouditverteenwoordigers,
vergaderings bywoon wanneer dit vereis word.
Wanneer aangeleenthede waarby die betrokke uitvoerende
amptenare teenwoordig is met die eksterne ouditeure bespreek
word, onttrek eersgenoemde hulle egter aan die vergadering.
Lede van die ouditkomitee en die interne en eksterne ouditeure het
onbeperkte toegang tot enige inligting wat hulle in die nakoming
van hul verantwoordelikhede benodig. Verder het die interne en
eksterne ouditeure onbeperkte toegang tot die ouditkomitee se
voorsitter.
Die interne ouditafdeling doen regstreeks verslag aan die
ouditkomitee en is ook teenoor die finansiële direkteur
verantwoordelik wat deurlopende aangeleenthede betref. Die
besturende direkteur word voorsien van afskrifte van alle belangrike
verslae, wat dan met hom bespreek word.
Die vergoedingskomitee
Die vergoedingskomitee is verantwoordelik vir die beoordeling en
goedkeuring van ’n breë vergoedingstrategie vir die groep, met
inbegrip van korttermyn- en langtermynaansporingskemas vir
uitvoerende bestuur. Die vergoedingstrategieë is daarop gemik om
werknemers teen markverwante vlakke te vergoed en in ooreenstemming
met hul bydrae tot die groep se bedryfs- en finansiële
prestasie. Ten einde aandeelhouers se belange te bevorder, word
aandele-aansporings as ’n kritieke element van uitvoerende
bestuur se aansporingsvergoeding beskou.
Die komitee bepaal die vergoeding van die uitvoerende en nieuitvoerende
direkteure en senior bestuur.
Die vergoedingskomitee is verantwoordelik vir die identifisering,
beoordeling en benoeming van potensiële nuwe direkteure. Nuwe
DISTELL JAARVERSLAG 2005
direkteure ontvang gepaste oriënteringsmateriaal om hulle met alle
aspekte van die besigheid vertroud te maak.
Die vergoedingskomitee bestaan uit drie nie-uitvoerende
direkteure, wie se besonderhede op bladsy 8 verskyn, en staan
onder voorsitterskap van DM Nurek.
Ooreenkomstig sy handves het die komitee vanjaar twee keer
vergader.
Verantwoordbaarheid en oudit
Interne oudit
Die mandaat van die groep se interne ouditfunksie is in pas met die
oudit-en-risikokomitee se goedgekeurde handves waarvolgens die
bestuur van onafhanklike, objektiewe konsultasie- en
versekeringsdienste ten opsigte van beheermaatreëls, risikobestuur,
korporatiewe bestuur en bedryfsdoeltreffendheid voorsien
moet word.
Die hooffunksie van die groep se interne ouditeure is om die groep
se bedrywighede onafhanklik te beoordeel, gepaardgaande
besigheidsrisiko’s te identifiseer en die doeltreffendheid vas te stel
van interne bedryfs- en finansiële beheerstelsels wat toegepas
word om hierdie risiko’s te bestuur. Dit word gedoen sodat sulke
risiko’s bestuur kan word en wesenlike tekortkominge, nienakoming
en ontwikkelingsareas onder die aandag van bestuur, die
eksterne ouditeure en die ouditkomitee gebring kan word sodat dit
aangespreek kan word. Die ouditfunksie beoordeel bowenal die
tersaaklikheid, betroubaarheid en integriteit van bestuurs- en
finansiële inligting, die doeltreffende en ekonomiese aanwending
van hulpbronne, die beveiliging van bates, voldoening aan
toepaslike beleid, prosedures, wetgewing en regulasies en die
voorkoming van vermorsing, oordadigheid en bedrog.
Die funksie van die groep se interne oudit is ook om ’n
fasiliteringsrol ten opsigte van risikobestuur te vervul waardeur
verseker word dat die proses van risikobestuur altyd die hoogste
prioriteit geniet, maar sonder om verantwoordelikheid vir risikobestuur
self te aanvaar, wat die verantwoordelikheid van die
betrokke lynbestuur bly.
31
MAATSKAPLIK KORPORATIEWE BESTUUR