'n begeesterde span - Distell

Ons mense
Die inspirasie vir ’n waarlik uitsonderlike Suid-Afrikaanse maatskappy
Distell, as ’n verantwoordelike werkgewer, voldoen aan alle
arbeidswetgewing wat relevant is in die lande waar
die maatskappy sake doen. In Suid-Afrika onderskryf die
maatskappy onder andere die Wet op Arbeidsverhoudinge,
die Wet op Diensgelykheid, die Wet op Vaardigheidsontwikkeling
en -heffing, die Wet op Basiese Diensvoorwaardes en die Wet op
Vergoeding vir Beroepsbeserings en -siektes.
Die funksie van die menslikehulpbronne-afdeling is om as
strategiese vennoot die maatskappy in al sy werksaamhede te
dien, om sigbaar in die werkplek te wees en om die meganismes
te verskaf vir ’n duidelike begrip van individuele en breë sakeaktiwiteite
en -beginsels.
Die jaar se fokusgebiede en hoogtepunte
Distell se mees inspirerende spanne
Elke Distell-werknemer is deel van ’n spesifieke span in die
organisasie en daar is aan elke span sekere doelwitte, in
ooreenstemming met die maatskappy se kernwaardes,
toegewys. Al die werknemers in die maatskappy is gevra om
spanne te nomineer wat ’n spesifieke maatskappywaarde die
beste opsom. Die kategorieë was:
• Om pret te hê, die beste te wees!
• Viering van diversiteit
• Handelsmerktrots
• Agente vir verandering
• Klantefokus
• Uniek
Ons gee regdeur hierdie verslag erkenning aan die ses
wenspanne.
Werknemerprestasie-bestuurstelsel (WPBS)
’n Werknemerprestasie-bestuurstelsel word op alle werknemers
op toesighoudende, administratiewe en bestuursvlak toegepas.
Alle betrokkenes teken ’n eie, persoonlike prestasiebeoordelingskaart
en hul prestasies word dan beoordeel aan
voorafbepaalde individuele, span- en maatskappydoelwitte.
Aansporingsbonusse word ook op hierdie basis bepaal. Na
gesprekke met vakbonde, met die oog daarop om alle
werknemers in die prestasiebestuurstelsel in te sluit met ingang
van 1 Julie 2005, het die vakbonde te kenne gegee dat hul lede
dit goedkeur.
Missiegerigte spanne (MS)
Die konsep van missiegerigte spanne, wat oorspronklik op
produksie-aanlegte gemik was en toe uitgebrei het na alle
verspreidingsaanlegte, gee aan werkspanne ’n basis om die
DISTELL JAARVERSLAG 2005
kwaliteit, spoed, koste, moraal en innoverings rakende hul werk
op ’n daaglikse basis te beoordeel.
“Rewards for Awards”
Ons wyn- en spiritualieë-spanne, van wingerdboukundiges tot
wynmakers en distilleerders, behaal steeds groot suksesse in
belangrike kompetisies, soos die International Wine & Spirit
Competition in Londen, die International Spirits Challenge, die
internasionale WINE Magazine Challenge, die SA Nasionale
Wynskou wat die Veritas-medaljes toeken, die Michelangelo
International Awards, die Fairbairn Capital Wine Trophy Awards
en nog ander. Die “Rewards for Awards”-projek vier hierdie
prestasies.
Leierskapontwikkeling
Distell Leierskapontwikkelingsprogram (DLOP)
As deel van ’n projek om talent te beloon en leierskapsvaardighede
te bou, terwyl gapings in vaardighede gesluit word,
bied Distell ’n leierskapontwikkelingsprogram aan in samewerking
met die Gordon Institute of Business Science, een van die
40 voorste sakeskole wêreldwyd. Na ’n strawwe keuringsproses
is 69 kandidate in 2004 en ’n verdere 43 in 2005 gekies om
leierskapsopleiding te ontvang. Vanuit die 2004-groep kom 55%
van die kandidate uit histories benadeelde groepe, terwyl dit in
2005 tot 86% gestyg het.
Vordering in beroepsontwikkeling
’n Inisiatief is geloods om ’n versameling kernbevoegdhede wat vir
elke area van die maatskappy se besigheid benodig word saam te
stel, met ’n proefprojek by die produksie-aanleg by Green Park. Die
proses vorm die grondslag om gepaste opleiding en ontwikkeling
vir die ondersteuning van individuele prestasie te kan beoordeel en
het gehelp om gestruktureerde beroepsontwikkelingsgeleenthede
te bepaal. Vanweë die proefprojek se sukses is daar besluit om dit
na ander aanlegte uit te brei.
MIV/Vigs-bewusmaking
Die MIV/Vigs-bewusmakings- en ingrypingsprogram wat in
2002 begin is, is in die oorsigjaar voortgesit. Tot op datum is
3 519 of 82% van alle werknemers reeds opgelei oor hoe om
die siekte te hanteer en hoe om te help om ’n ondersteunende
en nie-bedreigende werksomgewing te skep vir diegene wat
deur die siekte geraak word. Distell se MIV/Vigs-bewusmakingsveldtog
behels ook die opleiding van opvoeders uit eie
geledere en die saamstel en verspreiding van inligting oor die
siekte. Vrywillige toetsing word aangemoedig en persone wat
positief toets, word ondersteun deur ons Werknemerbystandprogram.
47
MAATSKAPLIK ONS MENSE