'n begeesterde span - Distell

Korporatiewe verantwoordelikheid
Wertheim-sentrum is ’n gesamentlike projek van SAN en die
Noord-Kaapse regering. Dié sentrum verleen hulp aan die
versorgers van kinders met FAS en hul gesinne. Dit skep ook
bewuswording onder die gemeenskap oor die gevare van
drankgebruik deur swanger vroue en is ’n veilige hawe vir vroue
en kinders. ’n Tweede fasiliteit in Upington is amper voltooi en sal
na verwagting in September formeel geopen word, terwyl planne
vir ’n derde sentrum in die Boland ook vorder.
Die BVA is ook in gesprek met gemeenskapsleiers om die
ontwikkeling van stabiele maatskaplike omgewings met
voldoende toevlug tot sport- en ontspanningsfasiliteite te bevorder.
Distell se reklamebeginsels
Die volgende beginsels is van toepassing op alle advertensies,
verpakkings- en promosiemateriaal wat namens die maatskappy
vervaardig word:
• Advertensies mag nie onverantwoordelike drankgebruik
uitbeeld of aanmoedig nie. Dit het byvoorbeeld betrekking op
die hoeveelheid drank wat in ’n advertensie gedrink word.
• Drankreklame mag nie op persone jonger as 18 jaar gemik word
nie. Niemand wat met die drink van drank in ’n advertensie
geassosieer word, mag jonger as 25 jaar wees nie. Niemand
jonger as 18 jaar mag in advertensies uitgebeeld word nie, tensy
dit in natuurlike omstandighede soos byvoorbeeld in ’n
gesinstoneel of in agtergrondskares is. Daar mag nie gewys
word dat hulle alkohol drink nie en dit mag ook nie geïmpliseer
word nie. Geen karakters of ikone met spesiale aantrekkingskrag
vir kinders mag in advertensies gebruik word nie.
• Advertensies mag nie in enige medium wat spesifiek op
kinders gerig is, geplaas word nie. Advertensies mag ook nie
tydens die reklamepouse onmiddellik voor, gedurende of
onmiddellik na kinderprogramme uitgesaai word nie.
• Advertensies mag nie impliseer dat alkoholverbruik
noodsaaklik is vir beroeps- of sosiale sukses of aanvaarding
DISTELL JAARVERSLAG 2005
nie of dat weiering ’n teken van swakheid is nie. Drankadvertensies
mag ook nie op ’n uitdaging gegrond wees nie of
impliseer dat diegene wat nie die uitdaging aanvaar om ’n
spesifieke drankie te drink nie, op enige wyse tekort skiet.
• Advertensies mag nie op seksuele toegeeflikheid of
permissiwiteit sinspeel of voorgee of daarop sinspeel dat alkohol
regstreeks bydra tot seksuele sukses of verleidelikheid nie.
• Advertensies mag nie voorgee dat alkohol genesende
eienskappe het nie en dit mag nie uitdruklik as ’n stimulant,
kalmeermiddel of verdowingsmiddel aangebied word nie.
Advertensies mag na die verfrissende eienskappe van ’n
alkoholiese drankie verwys, maar mag nie impliseer dat die
drink daarvan prestasie kan verbeter nie.
• Advertensies mag nie alkoholgebruik suggereer onder
omstandighede wat normaalweg as onraadsaam, onvanpas of
onwettig beskou word nie, soos voor enige aktiwiteit wat
nugterheid, vaardigheid of noukeurigheid vereis nie.
Voorbeelde van sulke aktiwiteite is wanneer ’n voertuig bestuur
word, of werk of sport wat intense fisieke inspanning vereis.
• Advertensies sal nie swanger vroue uitbeeld nie.
• Alkohol mag nie teen ’n agtergrond van aggressiewe of
antisosiale gedrag geadverteer word nie.
• Alle advertensies in die gedrukte media, televisie en flieks
moet die boodskap “Nie te koop aan persone onder 18 jaar
nie” vertoon. Die minimum spesifikasies vir die vertoon van
hierdie boodskap is ontwerp om die duidelike sigbaarheid
daarvan te verseker. Voorts:
• mag daar geen verandering in die bewoording van die
boodskaplyn wees nie; en
• in die geval van TV- en fliekadvertensies moet die boodskap
vir die duur van die advertensie vertoon word.
Die volgende reëls is ook van toepassing op alle promosieveldtogte
wat in Distell se naam onderneem word:
39
MAATSKAPLIK KORPORATIEWE VERANTWOORDELIKHEID