'n begeesterde span - Distell

2
JAARSTATE REKENINGKUNDIGE BELEID
Rekeningkundige beleid en definisies
transaksie aanleiding gee tot ’n bate of las, dan word
die kumulatiewe bedrag wat in ekwiteit erken is,
aangepas teen die aanvanklike erkenning van die
bate of verpligting. Ander kontantvloei-verskansingsinstrumente
se kumulatiewe bedrag teen
ekwiteit erken, word ingesluit in netto inkomste
of verlies in die tydperk waarin die verpligting of
vooruitgeskatte transaksie inkomste of verlies raak.
Verrekening
Indien daar ’n huidige afdwingbare reg bestaan om
erkende finansiële bates en finansiële laste teen mekaar
te verreken, en waar dit die voorneme is om gelyktydig
die verpligting af te los en die bate te realiseer, of om op
’n netto basis te skik, word alle verwante finansiële
aangeleenthede teen mekaar verreken.
Openbaarmaking van finansiële instrumente waarby
die groep betrokke is, word in aantekening 30 by
die finansiële jaarstate uiteengesit.
1.16 Aftreevoordele
Aftreefondse
Die groep bied pensioen-, aftree- of voorsorgfondsvoordele
aan alle werknemers.
Die rekeningkundige pensioenkoste van die omskrewevoordeel-fondse
word bepaal deur gebruik
te maak van die geprojekteerde kredieteenhedemetode.
Ingevolge dié metode word die koste om
pensioene te voorsien in die inkomstestaat verreken
deur die koste te versprei oor die dienstermyn van
werknemers. Die pensioenverpligting word bepaal
volgens die huidige waarde van die geskatte
toekomstige kontantuitvloeie deur gebruik te maak
van rentekoerse van staatseffekte wat ongeveer
dieselfde terme tot vervaldatum het as die verwante
verpligting.
Die netto surplus of tekort van die voordeelverpligting is
die verskil tussen die huidige waarde van die befondsde
verpligtinge en die billike waarde van fondsbates.
Die aktuariële winste en verliese word versprei in die
toekoms oor die gemiddelde oorblywende werkslewe
van die werknemers.
Die bydraes van die groep tot vastebydraepensioenfondse
word teen inkomste verreken
gedurende die tydperk waartydens werknemers
diens aan die groep lewer.
Mediese fondse
Mediesefondsbydraes word teen inkomste verreken
gedurende die tydperk waartydens werknemers
diens aan die groep lewer.
Die groep maak voorsiening vir aktuarieelbepaalde
toekomstige mediese voordele ten opsigte van
werknemers wat aftree, gebaseer op die aanname
dat die werknemer diens sal lewer tot en met
aftree-ouderdom en die minimum dienstydperk sal
voltooi.
Die verwagte koste van dié voordele word oor die
tydperk van diens geakkumuleer deur gebruik te maak
van rekeningkundige metodologie wat ooreenstem
met dié van omskrewevoordeel-pensioenfondse.
Waardasies van dié verpligtinge word uitgevoer deur
onafhanklike gekwalifiseerde aktuarisse.
Ekwiteitsvergoedingsvoordele
Die groep se bestuursaandeleaansporingskema
word deur Die Distell Groep Aandeleskema bestuur.
Aandeleopsies word toegestaan aan bestuur en
sleutelpersoneel met meer as drie jaar diens. Opsies
word toegestaan teen die markprys van die aandele
op die dag van die aanbod en is uitoefenbaar teen
daardie prys. Opsies moet uitgeoefen word binne
een jaar na die aanbod en is betaalbaar binne tien
jaar in drie gelyke jaarlikse paaiemente. Die eerste
paaiement is eers betaalbaar na drie jaar. Die
opbrengs ontvang, netto van enige transaksiekoste,
word teen aandelekapitaal (nominale waarde) en
aandelepremie gekrediteer. Die groep verantwoord
nie ‘n bedrag as deel van personeelkoste ten opsigte
van aandeleopsies nie.
1.17 Inkomste-erkenning
Inkomste uit die verkoop van produkte word erken
wanneer aflewering plaasgevind het en dit deur die
klant aanvaar is, indien nodig. Inkomste uit dienste
word erken sodra die diens gelewer is. Hierdie
inkomste word erken na aftrekking van belasting op
toegevoegde waarde (BTW), algemene verkoopsbelasting
(AVB), kortings en na uitskakeling van
intergroepverkope.
Ander inkomste verdien deur die groep word soos
volg erken:
• Rente-inkomste: soos dit toeval, tensy invorderbaarheid
twyfelagtig is
• Dividendinkomste: wanneer die aandeelhouer
onvoorwaardelik geregtig is op betaling.
1.18 Segmentverslagdoening
Die groep is ’n vervaardiger, bemarker en
verspreider van alkoholiese drank.
Die geïdentifiseerde primêre sakesegment is drank.
Op ’n sekondêre verslagdoeningsgrondslag is
beduidende geografiese distribusiestreke gedefinieer
(aantekening 27).
Koste tussen streke is toegedeel volgens die
werklike kostebasis.
DISTELL JAARVERSLAG 2005