'n begeesterde span - Distell

0,33 verbeter in vergelyking met die vorige jaar. Die groep se
hefboomverhouding, soos gemeet deur netto rentedraende
verpligtinge tot netto bates, het verminder van 18,9% tot 9,3%.
Die groep beskik oor aansienlike onbenutte leningsfasiliteite.
Vooruitsigte
Gedurende die oorsigjaar was die ekonomiese toestande in
Suid-Afrika gunstig met laer inflasie en rentekoerse wat tot ’n
verhoging van besteebare inkomste gelei het. Hierdie gunstige
toestande sal na verwagting in die komende jaar voortduur.
Boonop bly die globale ekonomiese vooruitsigte positief.
Ons verwag egter dat die mark uiters mededingend sal bly. Dit
sal vererger word deur ’n wêreldwye oorproduksie van wyn, wat
op sy beurt sal lei tot verhoogde markinvestering deur rolspelers
in die bedryf.
Ons is van mening dat die groep toepaslik gestruktureer is, met
’n portefeulje van voortreflike handelsmerke en ’n gunstige
kostegrondslag, om doeltreffend mee te ding en om geleenthede
in plaaslike en buitelandse markte te benut.
Die groep verwag om weer groei in verdienste te behaal.
Erkennings
Ons verwelkom Nantha Moodley en Caroline Snyman tot die
uitvoerende bestuur en sien uit na hulle bydrae en nuwe insigte.
Ons groet ook vir André Steyn, wat op jaareinde afgetree het.
Namens die direksie wil ek elke lid van Distell bedank vir hul
toegewyde individuele bydraes en spanwerk in die lewering van
stewige resultate. Hulle heelhartige ondersteuning van Distell se
kernwaardes het gehelp om baie van die afgelope jaar se
moeilike handelstoestande baas te raak.
JJ Scannell
Besturende direkteur
Stellenbosch
17 Augustus 2005
Span Phezulu ontleen sy naam aan die Zulu-woord vir “die beste wees”.
Elke spanlid kom bo uit deur te besef dat die geheel groter is as die som van sy
onderdele. Hulle word deur mekaar se verskille, maar ook deur hul gemeenskaplike
doelwitte, verryk. Hulle lag en werk baie, maar altyd met die
grootste wedersydse respek.
En dit is wat dit maklik maak.
DISTELL JAARVERSLAG 2005
27
OORSIGTE BESTURENDE DIREKTEUR SE VERSLAG