'n begeesterde span - Distell

ly dit beskerm deur bemarkingstrategieë wat spesifiek ontwerp
is vir elke mark.
Verkope in Duitsland, die VK en Brasilië dui op voortgesette
verbuikersondersteuning van die produk. Ons belê ook aansienlik
in die VSA, waar die toename in verspreidingspunte nou
gestabiliseer het, en ons fokus op sewe sleutelstate om
handelsmerkbewustheid te vergroot. Kanada was die een
teleurstellende mark, waar ’n staking van vier maande by die
staatsbeheerde alkoholkleinhandelmonopolie in Quebec, saamgeval
het met die spitsverkoopseisoen aan die einde van die
jaar. Die stakings wat in Februarie geëindig het, het meegebring dat
verskoopsvolumes aansienlik afgeneem het, maar ons is bemoedig
deur die verbetering van verkope sedertdien en is besig om verlore
volumes in te haal.
Boonop sal ’n nuwe wêreldwye advertensieveldtog, wat gedurende
die nuwe jaar in Kanada, Duitsland, die VK en die VSA van stapel
gestuur word, Amarula se unieke posisie verbeter.
Ons gaan ook voort met die verkenning van verspreidingsvennootskappe
terwyl ons Amarula se wêreldwye afset uitbrei en
terselfdertyd bande met bewese verspreidingsvennote versterk.
Bedrywighede
Vordering met kostebestuurdoelwitte was in lyn met mikpunte.
Danksy verbeterde doeltreffendheid kon ons herbelê in
strategiese areas van die onderneming, onder meer die
bekendstelling van groter verkoops- en bemarkingsvermoëns
en ’n aansienlik groter bemarkingsbesteding op ons
sleutelhandelsmerke.
Aangesien doeltreffende aankooppraktyke die belangrikste
geleentheid bied om ons algehele basiskoste te verminder, bly
DISTELL JAARVERSLAG 2005
dit ’n topprioriteit. Deur noue samewerking met sleutelverskaffers
is ons in staat om sekere markte te betree. Dit bied
nuwe geleenthede wat tot die uiteindelike voordeel van alle
deelnemers in die waardeketting sal wees.
’n Projek vir die verbetering van ons stelsels en programme vir
aanvraagvooruitskatting is goed op dreef. Verbeterde
akkuraatheid in voorspellings behoort ’n verdere vermindering in
voorraad mee te bring sonder om uitstekende klantediensvlakke
in gedrang te bring, terwyl dit beplanning in samewerking met
sleutelverskaffers verbeter. Dit behoort ook te lei tot die
vermindering van die eenheidskoste van produksie en afval.
Gedurende die jaar het ons die SAP-stelsel in ons primêre
produksie-omgewing geïmplementeer – ’n eerste in die wyn- en
spiritusbedryf. Die meeste kernbedryfstelsels in die groep word
nou ondersteun deur ’n enkele ondernemingshulpbronstelsel
(ERP-stelsel) wat geïntegreerde beplanning in alle sakeeenhede
sal verbeter. Dit sal ook standaard-kostebeheer
verbeter en inligting verskaf wat betyds en akkuraat is, en
sodoende besluite kan ondersteun.
Die vroeëre implementering van die konsep van Missiegerigte
Spanne (MS) in ons bedryfsomgewing begin bemoedigende
resultate lewer. Die konsep vorm die basis vir voortdurende
verbetering en ’n prestasiegedrewe klantedienskultuur, en
bevorder die waardes van spanwerk, eienaarskap en
ondernemingsgees. Dit gee ook aan werknemers ’n forum waar
hulle kan deelneem aan maatskappysake.
Ons bedryfsafdelings het verskeie verbeterings in hul
sleutelmaatstafkriteria aangebring en het alle interne doelwitte
bereik wat aan die begin van die jaar gestel is. Dit behels onder
meer doelwitte soos voorraadvermindering, vermindering in die
Die Redskins
weet hoe om die onmoontlike in ’n wensituasie
te verander. Deur vurig in hulself en in Distell te glo,
het hulle alle verwagtings ver oortref.
Die doelwit is om ’n vragmotor binne 65 minute te
laai. Hul tyd ... 35 minute.
23
OORSIGTE BESTURENDE DIREKTEUR SE VERSLAG