'n begeesterde span - Distell
'n begeesterde span - Distell
'n begeesterde span - Distell
Create successful ePaper yourself
Turn your PDF publications into a flip-book with our unique Google optimized e-Paper software.
Besturende direkteur se verslag<br />
koste van aankope, produkbeskikbaarheid en diensvlakke,<br />
kwaliteitstandaarde en afval- en batebenutting.<br />
Akkreditering en sertifiserings<br />
Almal, behalwe twee van die maatskappy se sewentien primêre<br />
produksie-aanlegte, is ISO 9001:2000 geakkrediteer, asook alle<br />
sekondêre produksie- en verspreidingsaanlegte en die meeste<br />
afdelings van die hoofkantoor.<br />
Die kelders van Adam Tas, Bergkelder, JC le Roux en<br />
Nederburg, asook die sekondêre produksie-aanlegte in Green<br />
Park, Port Elizabeth, Springs en Wadeville is gesertifiseer as<br />
Hazard Analysis and Critical Control Points (HACCP).<br />
Die kelders van Adam Tas, Bergkelder, JC le Roux en<br />
Nederburg, asook die sekondêre produksie-aanlegte in Green<br />
Park en Port Elizabeth, het British Retail Consortiumakkreditasie<br />
ontvang.<br />
Die Adam Tas-kelder het ook International Food Standardsertifisering<br />
verwerf.<br />
Durbanville Hills en Nederburg het ISO 14001-sertifisering verkry.<br />
Tot op datum is Worcester, Robertson en Goudini se primêre<br />
produksie-aanlegte deur die Wine Industry Ethical Trade<br />
Association (WIETA) geakkrediteer en ander primêre aanlegte<br />
word tans geoudit .<br />
Finansiële en bedryfsresultate<br />
Omset<br />
Omset, op ’n hersaamgestelde grondslag, het met 7,0% tot<br />
R6,0 miljard toegeneem. Algehele verkoopsvolumes het met<br />
1,8% gestyg.<br />
DISTELL JAARVERSLAG 2005<br />
Verkoopsvolumes in die plaaslike mark weerspieël ’n gunstige<br />
verkoopsmengsel en het met 1,0% toegeneem. Ons handelsmerke<br />
in die spiritualieë- en die reg-om-te-drink-kategorie (RTD)<br />
het steeds beter as dié in die wynkategorie vertoon. Die<br />
volumes vir spiritualieë het met 3,4% gestyg. RTD-verkope het<br />
met 3,7% gegroei (2004: 0,2%) ten spyte van verskerpte<br />
mededinging. Verkoopsvolumes van natuurlike wyne het egter<br />
onder druk gebly en met 2,6% afgeneem. Dit is hoofsaaklik<br />
vanweë verhoogde mededinging tussen plaaslike produsente<br />
wat op die plaaslike mark begin konsentreer het danksy die<br />
sterk rand.<br />
Internasionale verkoopsvolumes, buiten Afrika, het met<br />
7,0% gestyg. Natuurlike wyne het ’n volumetoename van 8,7%<br />
getoon. Verkope van Amarula Cream het egter met 3,2%<br />
afgeneem. Internasionale omset het konstant gebly, grotendeels<br />
weens ’n minder winsgewende verkoopsmengsel en ’n<br />
sterker rand.<br />
Omset in Afrika-lande (waaronder Botswana, Lesotho, Namibië<br />
en Swaziland) het met 3,3% gestyg.<br />
Netto bedryfswins<br />
Die toename van 19,8% in die bedryfswins is hoofsaaklik<br />
veroorsaak deur ’n toename in omset en ’n voortgesette<br />
verbetering in die verkoopsmengsel in die plaaslike mark. Die<br />
groep is ook bevoordeel deur ’n verhoogde deurset, verdere<br />
bedryfsdoeltreffendhede en gunstige aankoopinisiatiewe. Dit<br />
het daartoe gelei dat ons die belegging in handelsmerke kon<br />
verhoog en vermoëns in die groep kon vestig om die<br />
toekomstige groei van omset te ondersteun.<br />
Die netto bedryfsmarge, ’n belangrike prestasie-aanwyser, het<br />
verbeter van 10,4% tot 12,0%.<br />
25<br />
OORSIGTE BESTURENDE DIREKTEUR SE VERSLAG