'n begeesterde span - Distell

36
MAATSKAPLIK KORPORATIEWE VERANTWOORDELIKHEID
Korporatiewe verantwoordelikheid
Biodiversiteit-en-Wyn-Inisiatief (BWI)
Die uitvaardiging van die Wet op Biodiversiteit (Wet 10 van
2004), wat gemik is op die omskrywing en bewaring van
bedreigde ekosisteme, fokus op die noodsaaklikheid van die
landboubedryf om volhoubare groeipraktyke te volg wat die
inheemse natuurlike habitat sal bewaar. Die wet gee ook
momentum aan die BWI, wat die inheemse habitat wil beskerm,
veral die renosterveld- en die laaglandfynbos-ekosisteem, terwyl
die groot verskeidenheid wyne wat in sulke diverse
omstandighede vir wynverbouing moontlik is, verblydend is.
Deur die klem te plaas op die wye verskeidenheid wyne wat
deur die ryk biodiversiteit van die Kaapse Blommeryk (die
kleinste en oorvloedigste op die planeet) moontlik gemaak
word, gee die BWI aan Suid-Afrikaanse wynprodusente
’n hoogs mededingende voordeel op wêreldwye markte, ’n
eienskap wat ontwikkel word deur Wyne van Suid-Afrika in sy
internasionale veldtog, Handelsmerk Suid-Afrika.
Die biodiversiteit-riglyne is in Augustus 2004 deur die
Geïntegreerde Wynproduksieriglyne as deel van BWI aanvaar.
Distell het ’n belangrike rol gespeel by die opstel van hierdie riglyne
en ondersteun BWI om inheemse flora en fauna te beskerm, nie
net op sy eie plase nie, maar werk ook met sy verskaffers saam
om dieselfde te doen. Baie van die maatskappy se praktyke
bestaan al lankal en sluit in die verwydering van indringerplante in
samewerking met die Departement van Bosbou, die hervestiging
van laaglandfynbos en renosterveld, die beskerming van die
ekologies sensitiewe vleilande en skaars plantspesies, deelname
aan die Bewaringsvoogdyskapprogram, die bekamping van
gronderosie en die grootskaalse aanplant van dekgewasse.
So byvoorbeeld het die projek om ’n paar honderd hektaar
indringerplante op Plaisir de Merle te verwyder, toestande
geskep wat voordelig is vir die hervestiging van fynbos, wat nou
op die plaas floreer. Op soortgelyke wyse word ongeveer
150 hektaar renosterveld op Papkuilsfontein beskerm.
Distell is ook betrokke by ’n wynmaakproses by Gansbaai. In
’n gesamentlike onderneming met ’n konsortium het die
maatskappy ’n 99-jaarhuurkontrak aangegaan vir ’n eiendom,
waar 100 van 400 hektaar grond bewerk is vir ’n reeks van rooien
witwyn-druifvariëteite. Inheemse habitat word bewaar,
indringerplantegroei word uitgeroei en fynbos word hervestig
deur middel van ’n sorgvuldig beplande program.
Die Nederburg-veiling (wat aangebied word deur Nederburgwynmakery,
’n nasionale erfenisterrein) het vanjaar die biodiversiteittema
gebruik om aan die land se wynprodusente, die wynbedryf en
die media die belangrikheid van die BWI-bewaringsbeginsels en die
talle bemarkingsvoordele wat dit bied, uit te lig.
Amarula-olifantnavorsingsprogram
Olifante met hul grootte, sosiale aard en enorme verorbering van
plantegroei word al hoe meer beperk tot klein, omheinde reservate en
skep ’n unieke probleem vir die bestuurders van wildplase. Die
Amarula-olifantnavorsingsprogram is ’n langtermynnavorsingsprojek
wat kundigheid van verskeie dissiplines van die Universiteit van Natal,
sowel as van ander Suid-Afrikaanse en internasionale akademiese
inrigtings, bymekaarbring. Deur ’n span van heeltydse en deeltydse
navorsers, asook PhD- en MSc-studente te gebruik, betrek die
program die regering se bewaringsagentskappe en private wildplase
en ook ekoloë om planne vir die bestuur van die olifante te skep wat
gegrond is op die versamelde data. Projekte sluit in: die gebruik van
ouer bulolifante om adolessente wesies te mentor; om die doodmaak
van renosters by die Pilanesberg- en die Hluhluwe-Umfolozi-park te
voorkom; die invoer van olifante na St Lucia (’n wêrelderfenisgebied);
navorsing oor stresvlakke by olifante vanweë toerisme; en die
ontwikkeling van bewaringsinisiatiewe vir parke en reservate.
Wêreldnatuurfonds van Suid-Afrika (WWF-SA) en die
Vredesparkstigting
Distell, deur sy saamgesmelte maatskappye, het ’n verbintenis
met WWF-SA wat terugdateer tot by die totstandkoming van die
fonds in Suid-Afrika in 1968. Betrokkenheid sluit die beskerming
van habitat, bewaring van spesies en natuurlike hulpbronne in.
Distell ondersteun ook die Suid-Afrikaanse Natuurlewekollege, ’n
gesamentlike inisiatief van die WWF-SA en die Vredesparkstigting.
Die kollege is ’n opleidingsinstituut vir wildbewaarders dwarsdeur die
DISTELL JAARVERSLAG 2005