'n begeesterde span - Distell

22
OORSIGTE BESTURENDE DIREKTEUR SE VERSLAG
Besturende direkteur se verslag
Collection Reserve, en die bekendstelling van ’n Oude Meester
Reserve-brandewyn en verskeie geurrotasies in die RTDspektrum,
onder meer Esprit Red Apple. Hierdie inisiatiewe het
ook die opgradering van die verpakking van Graça, Esprit en
ander handelsmerke gemotiveer.
Ons program vir bemarkingsvernuwing is ondersteun deur ’n
meer uitgebreide verkoopspan wat beter opgedeel is om
spesifieke areas van die mark te dien. Boonop word die
verkoopspan verder ondersteun deur ’n belegging in
geoutomatiseerde stelsels wat sodoende hul produktiwiteit en
dienslewering verhoog.
Internasionale mark
Nadat ons in die jaar geëindig 30 Junie 2004 ’n uitsonderlike
volumetoename van 30,2% aangeteken het, het ons die
toenames gekonsolideer met ’n verdere volumegroei van 7,0%
gedurende die oorsigjaar.
Wyne
Sedert 2001 het ons internasionale wynverkope ’n saamgestelde
jaarlikse groeikoers van 19,4% getoon. Nieteenstaande
aansienlike konsolidasie van die kleinhandel en die sterker
bedingingsmag van die kruideniersgroepe, sowel as aggressiewe
kortings toegestaan deur mededingers en vererger deur ’n
wêreldwye ooraanbod, was ons in staat om ’n paar noemenswaardige
suksesse in sleutelmarkte te behaal.
• Ons het ’n verspreidingsooreenkoms met Brown-Forman
Wines Europe gesluit om Durbanville Hills in die VK te
bemark, wat die handelsmerk se afsetgebied aansienlik
behoort te vergroot. Na die jaareinde het ons ons bande
verder versterk met die moedermaatskappy, Brown-Forman
Corporation, wat nou Durbanville Hills nasionaal in die VSA
verteenwoordig. Dit is benewens Amarula Cream, wat sedert
2002 deur hulle verteenwoordig word. Na ons mening dui dié
nouer samewerking daarop dat ons daartoe in staat is om
met groot rolspelers in die internasionale drankbedryf saam te
werk. Dit verskaf ook aan ons die waardevolle geleentheid vir
groter verspreiding in die VSA. Volgens raminge sal die VSA
in 2008 die wêreld se grootste wynmark wees in terme van
verbruikersbesteding.
• Ons het die afset van ons handelsmerke in die VK aansienlik
vergroot deur nuwe produknoterings by belangrike
kruideniersgroepe.
• Ons het ons wynbedrywighede in Holland geherstruktureer
deur ’n verspreidingsooreenkoms te sluit met Vinites, ’n
belangrike rolspeler in kruideniersverspreiding.
• Ons het aansienlike volumetoenames in Skandinawië
behaal, met groot deurbrake in Swede en Denemarke.
• Hoewel ons intreewyne goeie vordering in die Duitse mark
getoon het, het Nederburg aggressiewe prysmededinging
ervaar, maar steeds die ondersteuning van verbruikers geniet.
Ons bly vasberade in ons betrokkenheid by die beskerming
van die handelsmerk en het ons belegging daarin vergroot.
Dit behels onder meer ’n ambisieuse mediaveldtog wat
geskeduleer is vir September 2005. Ons vertrou dat dié
belegging sal lei tot die herwinning van verlore volumes.
• Ons is steeds besig om ons markaandeel in Kanada te
vergroot met produkte soos Two Oceans en Obikwa.
Amarula Cream
Internasionaal bly die roomlikeurkategorie steeds uiters mededingend.
Meer as 20 nuwe handelsmerke probeer aktief om ’n
aandeel in hierdie winsgewende mark te bekom, maar ons is
verheug dat Amarula steeds die tweede plek naas die
wêreldleier, Baileys Irish Cream, handhaaf. Die saamgestelde
jaarlikse groei van 5,7% wat sedert 2001 behaal is, onderstreep
die waarde wat ons in hierdie wonderlike handelsmerk het. Ons
DISTELL JAARVERSLAG 2005