'n begeesterde span - Distell

44
MAATSKAPLIK KORPORATIEWE VERANTWOORDELIKHEID
Korporatiewe verantwoordelikheid
Kuns en kultuur
Die verbintenis tussen alkohol en kultuur
loop wêreldwyd ’n lang pad saam. Die
maatskappy het ’n geskiedenis van
aktiewe ondersteuning van die kunste,
veral die uitvoerende kunste, en bied
letterlik ’n platform vir gevestigde en nuwe
talent regdeur die land.
Distell Stigting vir die Uitvoerende
Kunste
Die Stigting was aktief in ses van Suid-
Afrika se nege provinsies met borgskappe
vir die Jaarlikse Somerseisoen van die
Oude Libertas Amfiteater, kunstefeeste,
gemeenskapsprojekte, klassiekemusiekkonserte,
optredes by die maatskappy se
wynlandgoedere en ook die invloedryke
Fleur du Cap-teatertoekennings, wat vir
die 28ste jaar aangebied is. Baie van die
geborgde vertonings het ontluikende
talent bevat en dit is Distell se beleid om
hierdie talent te koester en te ontwikkel.
Die volgende feeste en projekte is
ondersteun:
Oos-Kaap
Grahamstadse Kunstefees
Die finale fase van die Boog-projek, ’n
gemeenskapsontwikkelingsprojek wat oor
vier jaar strek en waartoe baie Suid-
Afrikaanse komponiste bygedra het, is
gegrond op die uhadi-boogliedjies van die
sanger en boogspeler Nofmishi Dywili, wat
plaaslik en in Europa saam met die bekende
Sontonga-kwartet optree.
Universiteit van Port Elizabeth
Die Stigting is ’n medeborg van verskeie
klassiekemusiek- en jazz-uitvoerings wat
op die kampus gehou word.
Noordwes
Aardklop Kunstefees, Potchefstroom
’n Aantal klassiekemusiek-konserte is
geborg, asook ’n nuwe produksie
Imbumba.
KwaZulu-Natal
Hiltonfees
Die Stigting borg die klassiekemusiekkomponent
van hierdie driedaagse musiekfees
in Durban met optredes deur die KZN
Filharmoniese Orkes. Die fokus op plaaslike
musiek het ’n gemeenskapskoor, jazz met
die Indiese pianis Melvyn Peters, Indiese
klassieke musiek en die vooraanstaande
Suid-Afrikaanse tjellis Anzel Gerber
ingesluit. Nuwe talent van die Universiteit
se Operaskool is ook bekendgestel.
Universiteit van Natal
Borgskappe van klassieke en jazzkonserte
op kampus het ingesluit:
• Piano Trio Recital met die pianis en
nuut aangestelde dosent, dr. Leizl-
Maret Jacobs
• Anthology of Zimology, met die nuut
aangestelde dosent vir jazz en
saksofoon, Zim Ngqawana
Vrystaat
Volksbladfees, Bloemfontein
Hierdie verdienstelike ontwikkelingsprojek
skep geleenthede vir plaaslike talent,
waaronder drama-onderwysers, werknemers
van die Regering en ander
entoesiaste van die Heidedal-gemeenskap.
Die Heidedal Dramagroep se mees onlangse
produksie was “Dit laat mens dink, nè?”.
Gauteng
Universiteit van die Witwatersrand se
Musiekskool
Distell het bygedra tot die volgende
klassieke en jazz-konserte op kampus:
• 21st Century Saxophone met Nishlyn
Ramanna en Clare Loveday wat hul eie
komposisies gespeel het. Gaskunstenaars
het Kevin Davidson (saksofoon),
Ceri Moelwyn-Hughes (saksofoon),
Cameron Upchurch (orrel) en Gregory
Mollentz (klavier) ingesluit.
• Klatzow @ 60 – A Composer Speaks,
’n konsert van die werke van die
internasionaal bekende Peter Klatzow
ter viering van sy 60ste verjaarsdag
• Die Chanticleersangers, gedirigeer deur
Richard Cock, het werke, onder meer
Prayers and Dances for Africa, uitgevoer.
Unisa-musiekstigting
Die Stigting het die tweede Unisa
Kamermusiekfees geborg, met as gaskunstenaar
die Suid-Afrikaanse pianis Niel
Immelman, wat nou in Londen woon. Hy
is begelei deur André Swanepoel (viool),
Johanna Roos (viool), Elmarie van der
Vyver (viola) en Berthine van Schoor (tjello).
Wes-Kaap
Suidoosterfees
Die Kaapse Filharmoniese Orkes, in
samewerking met die drie topkore van die
Kaap Rapport Koorkompetisie 2005, het
opgetree tydens ’n funksie wat deur die
Distell-stigting geborg is en met ’n gasoptrede
deur die Kaapse Maleierkoor.
Kalfiefees Hermanus
Twee Kalfiefees-produksies is geborg:
• Viva L’Opera met optredes deur Beverley
Chiat (sopraan), Fikila Mvinjelwa (bariton),
Violina Anguelov (mezzosopraan) en
Nicola Cencherle (tenoor). Hulle is
begelei deur Victor Tichart (klavier) en
Stanislav Anguelov (trekklavier).
• El Tango in Africa is gedans deur Mark
Hoeben en Ina Wichterich. Die musikale
begeleiding is verskaf deur Stanislav
Anguelov (trekklavier en bandeneon),
Jacek Domagala (viool), Albert
Combrinck (klavier) en Charles Lazar
(basviool).
Woordfees Stellenbosch
Die Stigting het drie opwindende
produksies geborg:
• Goue Stemme met Jannie Moolman en
Rina Hugo
• Waterpockets
• Om die Vuur
Jeugmusiekfees
Distell ondersteun hierdie vername
gemeenskapskunsteprojek sedert 1971.
Die mees onlangse vertoning met
klassieke musiek en jazz het verskeie jong
Suid-Afrikaanse soliste in samewerking
met die Kaapse Filharmoniese Orkes en
die Artscape Teater bekendgestel.
Universiteit van Stellenbosch
Internasionale Kamermusiekfees
Die Stigting maak dit vir 21 studente van
die Bochabela Strykprojek in Bloemfontein
en agt studente van die Khongisa
Jeugprojek in Empangeni moontlik om
aan hierdie internasionale geleentheid deel
te neem.
KKNK (Klein Karoo Nasionale
Kunstefees)
Die Stigting het die fees se Kanna
Klassieke Musiek-prys geborg en ook die
volgende aangebied:
• Bloodwedding, deur La Rosa Spanish
Dance Theatre en die Free Flight
Dance Company, onder regie van die
bekende Geoffrey Hyland en met nuwe
choreografie deur Adele Blank en
Carolina Rosa
• La Force du Silence met John Jacobs
• Lyf met Laura de Vries, Martin van
Heerden, Louise Basson en dansers
van die Kmad.com dansgroep
• Ballet Theatre Afrikan met Thoriso
Magongwa, Kagiso Mabe, Yolandi
Olckers, Kitty Phetla en Carmen Harris
Cederbergfees, Clanwilliam
Die Stigting het die volgende feesproduksies
geborg:
DISTELL JAARVERSLAG 2005