'n begeesterde span - Distell
'n begeesterde span - Distell
'n begeesterde span - Distell
Create successful ePaper yourself
Turn your PDF publications into a flip-book with our unique Google optimized e-Paper software.
0<br />
JAARSTATE REKENINGKUNDIGE BELEID<br />
Rekeningkundige beleid en definisies<br />
1.4 Beleggings en lenings<br />
Langtermynbeleggings word aanvanklik teen kosprys,<br />
wat transaksiekoste insluit, getoon. Na die aanvanklike<br />
erkenning word hierdie instrumente soos volg gemeet:<br />
Hou-tot-verval-beleggings<br />
Hou-tot-verval-beleggings word teen geamortiseerde<br />
koste gedra deur gebruik te maak van die effektiewerentekoers-metode.<br />
Handels- en beskikbaar-vir-verkoop-beleggings<br />
Bemarkbare sekuriteite word teen billike waarde<br />
gedra. Dit word bereken met verwysing na die<br />
beurs-gekwoteerde sluitingspryse op 30 Junie.<br />
Ongenoteerde beleggings word teen billike waarde<br />
gedra. Dit word bepaal deur die gebruikmaking van<br />
aanvaarde waardasiemetodes.<br />
Ander beleggings en lenings<br />
Ander beleggings word teen geamortiseerde koste<br />
gedra.<br />
By die verkoop van ’n belegging word die verskil<br />
tussen die netto verkoopsopbrengs en die drabedrag<br />
teen inkomste verreken.<br />
Die belegging van <strong>Distell</strong> Groep Beperk in South<br />
African Distilleries and Wines (SA) Beperk word teen<br />
kosprys getoon in die maatskappy se finansiële state.<br />
1.5 Ontasbare bates<br />
Klandisiewaarde<br />
Klandisiewaarde wat ontstaan by die verkryging van<br />
filiale/geassosieerdes verteenwoordig die oorskot<br />
tussen die aankoopprys en die toeskryfbare redelike<br />
waarde van die netto bates verkry.<br />
Klandisiewaarde op verkrygings wat ontstaan het<br />
tussen 1 Julie 2000 en 31 Maart 2004 is in die balansstaat<br />
as ’n ontasbare bate getoon en is geamortiseer<br />
volgens die reguitlynmetode oor die verwagte<br />
nuttige lewensduur daarvan tot 30 Junie 2004.<br />
Klandisiewaarde op verkrygings wat ontstaan het<br />
voor 1 Julie 2000 is ten volle verreken teen behoue<br />
inkomste; sodanige klandisiewaarde is nie terugwerkend<br />
gekapitaliseer en geamortiseer nie. Klandisiewaarde<br />
op verkrygings op of na 31 Maart 2004<br />
word teen kosprys getoon.<br />
Klandisiewaarde se drabedrag word jaarliks hersien<br />
en, waar nodig, afwaarts aangepas in gevalle van<br />
permanente waardedalings.<br />
Die wins of verlies met die verkoop van ’n entiteit sluit<br />
die ongeamortiseerde saldo van klandisiewaarde<br />
met betrekking tot die entiteit wat verkoop word, in.<br />
Handelsmerke<br />
Uitgawes aangegaan by die verkryging van handelsmerke<br />
of handelsname word teen die kosprys vir die<br />
groep gekapitaliseer. Geen waarde word geplaas op<br />
handelsmerke of handelsname wat intern ontwikkel is<br />
nie.<br />
Die drabedrag van elke ontasbare bate word<br />
jaarliks hersien en aangepas vir waardedalings,<br />
waar nodig.<br />
Uitgawes om handelsmerke en handelsname in<br />
stand te hou word teen inkomste verreken.<br />
1.6 Navorsings- en ontwikkelingsuitgawes<br />
Navorsings- en ontwikkelingsuitgawes word teen<br />
inkomste verreken soos en wanneer dit aangegaan<br />
word.<br />
1.7 Voorraad<br />
Voorraad word waardeer teen die laagste van<br />
kosprys of netto realiseerbare waarde. Kosprys word<br />
bereken volgens die eerste-in-eerste-uit (EIEU)waardasiemetode.<br />
Die koste van voltooide goedere<br />
en onvoltooide werk sluit in grondstowwe, direkte<br />
arbeidskoste, ander direkte kostes en relevante<br />
bokoste, maar sluit finansieringskoste uit.<br />
Netto realiseerbare waarde is die verwagte verkoopprys<br />
in die normale gang van sake, na aftrekking van<br />
die verwagte koste van voltooiing en verkoopsuitgawes.<br />
1.8 Belasting<br />
Uitgestelde belasting word voorsien teen heersende<br />
koerse volgens die aanspreeklikheidsmetode.<br />
Alle tydelike verskille tussen die belastingwaarde<br />
van ’n bate of verpligting en die<br />
balansstaat-drawaarde daarvan word voorsien.<br />
Geen uitgestelde belasting word voorsien in omstandighede<br />
waar die aanvanklike erkenning op die datum van<br />
verkryging van die bate of las geen effek op die<br />
rekeningkundige wins of belasbare inkomste het nie.<br />
Bates ten opsigte van uitgestelde belasting op<br />
aangeslane verliese word nie geskep nie, tensy dit<br />
waarskynlik is dat toekomstige belasbare inkomste<br />
beskikbaar gaan wees waarteen die onbenutte<br />
aangeslane verliese in die afsienbare toekoms<br />
gerealiseer kan word.<br />
Sekondêre belasting op maatskappye (SBM) word<br />
voorsien op dividendbetalings, netto van dividende<br />
ontvang of ontvangbaar, en word as ’n belastingheffing<br />
erken in die jaar waarin die dividend betaal word.<br />
Uitgestelde belasting word voorsien op die onbenutte<br />
gedeelte van SBM-krediete wat in die afsienbare<br />
toekoms benut gaan word.<br />
Buitelandse aandeelhouersbelasting word voorsien<br />
ten opsigte van buitelandse dividende slegs wanneer<br />
die dividend erken word.<br />
DISTELL JAARVERSLAG 2005